Aðgerðasjúklingar liggja ekki aðgerðalausir II - Hirsla - Landspítali

197
Útskrift eftir mjaðmarbrot
jafnframt er bent á að sjúklingar nú á tímum eru betur upplýstir en nokkru sinni fyrr.
Sjúklingar búast við meiri og betri þjónustu en áður enda leggur heilbrigðiskerfið
meiri áherslu á að sjúklingar séu ánægðir vegna þess að þeir eru viðskiptavinir heilbrigðisþjónustunnar.
Stundum sammælast þær heilbrigðisstéttir, sem sinna ákveðnum
sjúklingahópi, um að útbúa eins konar ferli (e. critical pathway) fyrir sjúklingahópinn.
Þegar allir starfsmenn og sjúklingur vinna eftir þessu sama ferli verður samvinnan
betri.
Góð útskriftaráætlun er háð skilningi skjólstæðingsins og fræðslunni sem aðstandendur
hans fá. Skjólstæðingarnir þurfa að vita hvað þeir eiga að gera og hvernig
þegar þeir koma heim og vita hvað getur komið upp á. Ætlast er til að farið sé eftir
eftirfarandi ráðleggingum áður en skjólstæðingar fara frá heilbrigðisstofnunum (Joint
Commission on Accreditation of Healthcare Organisation (2002) í Potter og Perry,
2005):
• Fræða um örugga og áhrifaríka notkun á lyfjum og læknisfræðilegum búnaði
(e. medical equipment)
• Leiðbeina um hugsanlegar milliverkanir matar og lyfja og veita ráðgjöf um
næringu og breytingar á mataræði
• Leiðbeina um endurhæfingu sem auðveldar sjúklingum að laga sig að
umhverfinu og að geta séð sem mest um sig sjálfir [hreyfing, ADL]
• Segja frá þeirri samfélagsþjónustu sem er í boði (eftir þörfum)
• Greina frá hvenær og hvernig á að leita eftir meiri þjónustu
• Benda á ábyrgð skjólstæðingsins og fjölskyldunnar varðandi heilbrigðisþarfir
hans og þekkingu og hæfni sem þarf til að takast á við þessa ábyrgð
• Viðhalda góðu persónulegu hreinlæti og snyrtimennsku
Fram hefur komið að útskriftaráætlun með fjölskyldu felur í sér nákvæmt mat á
hvaða þarfir eru til staðar við útskrift ásamt möguleikum á að mæta þeim. Dæmi:
Skjólstæðingur útskrifast heim eftir aðgerð og aldraður eiginmaður treystir sér ekki til
að sjá um umbúðaskipti. Hjúkrunarfræðingur athugar þá hvort einhver annar í fjölskyldunni
eða nágranni getur og vill sjá um þetta. Ef svo er ekki sér hjúkrunarfræðingur
um að sækja um heimahjúkrun. Þarfnist skjólstæðingurinn einnig æfinga
og styrktarþjálfunar getur þurft að hafa samband við sjúkraþjálfara (Potter og Perry,
2005).
Í framhaldi af þessu fylgja hér niðurstöður úr nokkrum rannsóknum sem
tengjast útskriftaráætlunum.
Niðurstöður rannsókna á útskriftaráætlunum
Niðurstöður úr yfirlitsgrein frá Cochrane (Shepperd o.fl., 2004), þar sem bornar
voru saman 11 rannsóknir um útskriftaráætlun frá sjúkrahúsi og heim, sýndu að ekki
er augljóst hvaða áhrif útskriftaráætlun hefur á tíðni endurinnlagna, fjölda legudaga,
árangur meðferðar og kostnað. Þetta endurspeglar skort á stöðlum þar sem gagna-
199
198