Aðgerðasjúklingar liggja ekki aðgerðalausir II - Hirsla - Landspítali

69
Sigurbjörg Valsdóttir
Samkvæmt töflu 4 má sjá að sjúklingur 1 reyndist vera í vissri hættu og sjúklingur 2 í
mjög mikilli hættu á að fá þrýstingssár samkvæmt Bradenkvarðanum. Hinir þrír sjúklingarnir
voru ekki í hættu. Tveir af fimm voru með þrýstingssár. Sjúklingurinn, sem var í
mjög mikilli hættu var með sár og sjúklingur, sem var ekki í áhættuhóp, var einnig með
sár. Helst voru það flokkarnir virkni, næring og hreyfigeta sem drógu stigafjöldann
niður hjá þessum fimm sjúklingum. Hér að neðan kemur nánari lýsing á meðferð
þeirra. Fyrsti sjúklingurinn, sem fékk meðferð, var í vissri hættu á að fá þrýstingssár.
Samkvæmt leiðbeiningum um fyrirbyggjandi aðgerðir eftir áhættuflokkum
Bradenkvarðans og finna má í klínískum leiðbeiningum Landspítalans, ætti meðferð
hans að felast í aðgerðum í dálki 1 (sjá töflu 5) (Guðrún Sigurjónsdóttir, 2008).
Sjúklingurinn var hvattur til hreyfingar eftir getu.
Tafla 5. Fyrirbyggjandi aðgerðir eftir áhættuflokkum Bradenkvarðans
1 Sjúklingar í vissri hættu (15-18)
• Nota snúningsáætlun
• Stuðla að hámarkshreyfigetu
• Verja hæla og önnur viðkvæm svæði
• Forðast raka við húð
• Forðast núning og tog
• Stuðla að nægri næringu
• Nota þrýstingsdreifandi undirlag ef viðkomandi er rúmliggjandi eða háður
hjólastól
2 Sjúklingar í miðlungs hættu (13-14)
Sömu leiðbeiningar og fyrir 1, en auk þess:
• Snúningsáætlun eftir 30° reglunni, þ.e. 30° hliðarlegu, 30° hækkun á
höfðalagi og púða við bak sjúklings
• Undirlag sem dreifir þrýstingi
3 Sjúklingar í mikilli hættu (10-12)
Sömu leiðbeiningar og fyrir 1 og 2 og auk þess:
• Snúa oftar
• Hagræða milli snúninga
• Nota kodda og svampfleyga til að skorða sjúklinginn í 30° legu
• Íhuga notkun loftdýnu ef aðrir áhættuþættir eru til staðar, svo sem miklir
verkir
4 Sjúklingar í mjög mikilli hættu (≤9)
Sömu leiðbeiningar og fyrir 1, 2 og 3 en auk þess:
• Loftdýna
Heimild: Guðrún Sigurjónsdóttir (2008)
71
70