Aðgerðasjúklingar liggja ekki aðgerðalausir II - Hirsla - Landspítali

190
Heiða Hringsdóttir og Sólveig Tryggvadóttir
Til þess að meta árangur af nýrri útskriftaráætlun höfðu höfundar samband
við fjórar konur sem gengist höfðu undir skurðaðgerð á brjósti þar sem nýrri hjúkrunarmeðferð
hafði verið beitt í útskriftarferli þeirra. Fimm konur voru í meðferðarhópnum.
Þrjár konur höfðu farið í brottnám á brjósti og tvær í fleygskurð á brjósti.
Fjórar höfðu uppgötvað meinið við sjálfskoðun en aðeins ein við hópleit. Konurnar
voru á aldrinum 45-84 ára. Allar sögðust konurnar vera ánægðar með leguna á H-
deild. Aðspurðar um útskriftarfræðsluna, sem þær fengu, sögðust þær hafa fengið
mikið af upplýsingum í stuttri legu. Legutími eftir skurðaðgerð hjá þessum konum
var 2-6 dagar. Aðeins ein kona útskrifaðist ekki heim til sín heldur fór hún á sjúkrahús
í sinni heimabyggð til áframhaldandi legu og fékk því ekki símaeftirfylgd 2-3
dögum eftir útskrift. Þær konur, sem hringt var í heim, sögðust allar hafa verið
ánægðar með að fá símtal frá hjúkrunarfræðingi eftir útskrift. Sumar voru með
spurningar sem þær vildu fá svör við en hinum fannst stuðningur í því að heyra í
hjúkrunarfræðingi af deildinni þó ekki væru nein sérstök vandamál. Tvær konur
nefndu það að símtalið hefði mátt koma nokkrum dögum síðar eða viku eftir útskrift.
Allar voru konurnar ánægðar með þá áherslu sem lögð var á mikilvægi
næringar til að byggja sig upp fyrir áframhaldandi meðferð.
Konurnar fjórar, sem haft var símasamband við, töluðu um kvíða í legunni
en með því að hjúkrunarfræðingar nýti vel allar stundir sem gefast má draga úr kvíða
og spennu. Engin þeirra fékk þó meira en 3 stig á DT-kvarða. Tvær konur nefndu
að þær hefðu fengið fótanudd til að draga úr verkjum og voru þær ánægðar með það
og fannst nuddið líka minnka kvíða. Þeim fannst öllum kvíði hafa minnkað þegar á
leið og var hann orðinn mun minni þegar símtalið átti sér stað. Hjúkrunarfræðingar
og annað starfsfólk á H-deild FSA hefur tekið nýrri útskriftaráætlun fagnandi. Þó
hafa komið fram nokkrar athugasemdir sem höfundar hafa tekið tillit til og lagfært.
Þá hafa hjúkrunarfræðingar bent á að þessi ákveðni sjúklingahópur fái oft sér meðferð
miðað við aðra sjúklinga sem gangast undir skurðaðgerð vegna annars konar
krabbameins. Höfundar sjá því ástæðu til að útfæra nýja útskriftaráætlun á sama hátt
fyrir aðra sjúklingahópa sem gangast undir skurðaðgerð vegna krabbameins. Hér
fyrir neðan er tilbúið dæmi sem lýsir því hvernig útskriftaráætlunin nýtist í starfi.
Tilbúið dæmi úr starfi
Anna er 45 ára gömul kona. Hún er gift og á þrjú börn sem öll búa heima. Anna
vinnur hlutastarf í verslun og eiginmaður hennar er sjómaður. Fjölskyldan býr á
Akureyri. Anna fann sjálf hnút í hægra brjósti og fór til læknis sem sendi hana í ómskoðun
og í framhaldi af því fór Anna í sýnatöku úr brjóstinu. Í ljósi niðurstöðu úr
sýnatökunni var ákveðið að Anna færi í fleygskurð og eitlaúrnám í hægri holhönd.
Anna fór á innritunarmiðstöð FSA daginn fyrir áætlaða skurðaðgerð og fékk
þar undirbúning fyrir aðgerðina og upplýsingar um það helsta sem hún mætti eiga
von á í legunni eftir aðgerðina. Anna mætti beint á skurðstofu að morgni aðgerðardags
og lagðist inn á H-deild eftir aðgerðina. Hún var með einn kera sem lítið kom í
og var fjarlægður fyrir útskrift. Önnu gekk vel að jafna sig líkamlega eftir aðgerðina
192
191