Aðgerðasjúklingar liggja ekki aðgerðalausir II - Hirsla - Landspítali

213
Símaeftirfylgd eftir hjartaskurðaðgerð
VEITT MEÐFERÐ
Hringt var í fimm hjartaskurðsjúklinga, þrjá karla og tvær konur, á aldrinum 50 til 72
ára. Við val á spurningum og tímasetningu símtalsins voru hafðar til hliðsjónar
niðurstöður rannsókna á símaeftirfylgd við þennan sjúklingahóp. Símtölin fóru fram
á 7.-14. degi eftir útskrift og tók hvert símtal 15 til 40 mínútur. Meðferð greinarhöfunds
fólst meðal annars í að fara yfir bataferilinn og hvað teldist eðlilegt miðað
við aðstæður, gefa ráð varðandi hreyfingu, bjúgsöfnun, verkjastillingu, hægðatregðu
og eftirlit með sáragræðslu og veita andlegan stuðning. Spurt var um eftirfarandi
einkenni eða líðan: verki, skurðsár, bjúg á fótum og notkun teygjusokka, hreyfingu
og endurhæfingu, andlega líðan, svefn, andþyngsli, ógleði og lystarleysi og
hægðatregðu. Einnig var spurt hvort viðkomandi hefði þurft að leita til heilbrigðisþjónustunnar
eftir útskrift, hvort hann teldi sig hafa fengið fullnægjandi útskriftarfræðslu
og ef ekki, hvað hefði vantað upp á hana. Að lokum var spurt hvort
viðkomandi teldi gagnlegt að fá símtal frá hjúkrunarfræðingi eftir útskrift.
Í töflu 1 má sjá yfirlit yfir þau einkenni sem sjúklingar höfðu einni til tveimur
vikum eftir útskrift. Allir notuðu verkjalyf á þeim tíma sem hringt var í þá en
misjafnt var hvort sú verkjastilling var fullnægjandi.
Tafla 1. Einkenni hjartaskurðsjúklinga og þörf fyrir ráðgjöf, einni til tveimur
vikum eftir útskrift
Sjúklingur
1 2 3 4 5
Verkir Nei Já Nei Já Nei
Verkjalyf Já Já Já Já Já
Sár og sárameðferð Já Nei Nei Nei Nei
Bjúgur á fótum Já Já Já Já Já
Ráðgjöf um hreyfingu Nei Já Já Já Já
Kvíði/depurð Nei Já Nei Nei Já
Svefnlyfjanotkun Já Já Nei Nei Nei
Svefnvandamál Nei Nei Nei Nei Nei
Andþyngsli Nei Nei Nei Nei Nei
Hægðatregða Nei Já Já Nei Nei
Ógleði/ lystarleysi Nei Nei Nei Já Nei
Leitað til heilbrigðisþjónustu Nei Nei Já Nei Nei
Útskriftarfræðsla nægileg Já Já Já Já Já
Símaeftirfylgd gagnleg Já Já Já Já Já
215
214