Aðgerðasjúklingar liggja ekki aðgerðalausir II - Hirsla - Landspítali

70
Þrýstingssár
Sjúklingurinn var hvattur til hreyfingar eftir getu. Forðast var að skapa núning og tog
þegar honum var hagrætt í rúmi. Skipt var um lín tvisvar á dag. Fylgst var með næringu
og næringardrykkir gefnir þrisvar á dag þar sem albúmín í blóðvökva fór minnkandi.
Enn var töluverð vökvasöfnun í líkama hans eftir aðgerðina, því var breyting á þyngd
ekki góður mælikvarði á hversu vel hann nærðist. Við endurmat hafði stigafjöldi aukist
um eitt stig á Bradenkvarða (í flokknum virkni). Sjúklingur lá á þrýstingsdreifandi dýnu
og snúningslaki til að auðvelda hreyfingu í rúminu en ekki má nota hjálpartæki, eins og
létta, vegna bringubeinsins. Við skoðun húðar sást ekkert þrýstingssár. Sjúklingur var
kominn með gönguáætlun sem miðaðist við að hann færi fjórum sinnum á dag í göngu
utan herbergis eins og hann gerði.
Meðferð sjúklings 2 miðaði að því að nota nokkrar fyrirbyggjandi aðgerðir til að
forðast þrýstingssár eða hindra það að fyrsta stigs þrýstingssár hans þróaðist yfir í
annars til fjórða stigs sár. Samkvæmt leiðbeiningum um fyrirbyggjandi aðgerðir eftir
áhættuflokkum Bradenkvarðans ætti meðferð hans að felast í aðgerðum eitt til fjögur
(Guðrún Sigurjónsdóttir, 2008) eins og kemur fram í töflu 6.
Tafla 6. Yfirlit yfir meðferð sjúklings 2
1 • Snúa sjúklingi á fjögurra klukkustunda fresti eða oftar samkvæmt
snúningsáætlun.
• Stuðla að hámarkshreyfigetu.
• Viðhalda heilli húð og verja viðkvæm svæði. Bera rakakrem á húð tvisvar á
dag. Notaðar voru hydrocolloidumbúðir yfir fyrsta stigs þrýstingssár á
spjaldhrygg.
• Forðast raka við húð. Rakadrægar bleyjur notaðar. Skipt á laki í rúmi eftir
þörfum.
• Forðast núning og tog við hagræðingu.
• Tryggja að sjúklingur fái nógu margar hitaeiningar og vökva yfir
sólarhringinn. Fylgjast áfram með albúmíni eða prealbúmíni í blóðvökva.
2 • Ekki var mælt með að stilla höfuðgafl sjúklings neðar en 30° þar sem hann
var með barkarennu.
3 • Hagræða milli snúninga.
• Nota kodda til að skorða sjúklinginn í 30° legu og til að forðast að útstæð
bein núist saman.
4 • Nota loftdýnu.
Sökum helftarlömunar vinstra megin lá sjúklingur einungis á baki og hægri hlið. Þar sem
hann lá á loftdýnu þurftu hælar ekki að vera fríir vegna þrýstingsdreifandi eiginleika
72
71