Aðgerðasjúklingar liggja ekki aðgerðalausir II - Hirsla - Landspítali

44
Díana Dröfn Heiðarsdóttir
ástand þeirra sem eru í áhættu með leiðbeiningum og fræðslu. Einnig mætti í bréfinu
láta sjúklinga vita um mikilvægi góðrar næringar fyrir aðgerð fyrir sárgræðslu og
endurhæfingu eftir aðgerð. Gefa mætti upplýsingar um hvaða matar ætti helst að
neyta, eins og próteinríkrar fæðu. Þannig gæti sjúklingur mögulega bætt næringu sína
áður en til aðgerðar kemur. Meðan á sjúkrahúslegu stendur mætti meta þörf
sjúklings fyrir áframhaldandi næringarfræðslu og hjálpa þeim sem gengur illa að
nærast vel að finna leiðir til að nærast betur. Fyrir útskrift er á deildinni fræðslufundur
fyrir sjúklinga og aðstandendur eftir aðgerð. Þar er komið inn á marga þætti
svo sem sárgræðslu og sýkingarhættu og endurhæfingu eftir aðgerðina. Í þessari
fræðslu er lítið talað um mataræði eða hugsanlegar breytingar á lífsstíl. Bæta mætti
þessa fræðslu til dæmis með hópfræðslufundum frá næringarfræðingi sem og með
að gera hjúkrunarfræðinga meðvitaðri um að veita upplýsingar um mataræði almennt
í óformlegri fræðslu. Aldraðir eiga oft erfiðara með að nálgast gott fæði vegna
slappleika og félagslegra aðstæðna. Því þarf að huga sérstaklega að þeirra sérþörfum
eins og að panta heimsendan mat eftir útskrift.
Það gæti verið mjög gott að koma á eftirfylgni með sjúklingum og hringja í
þá einni til tveimur vikum eftir útskrift til að kanna líðan, næringarástand
einstaklings, hvernig gangi að nærast og hvort hann hafi lést eða þyngst síðan hann lá
á sjúkrahúsi. Göngudeildarþjónusta væri tilvalin til að fylgjast svona með sjúklingum
fyrir og eftir aðgerð og gæti veitt þeim aukið öryggi með aðgerðarferlið.
Rannsóknir sem vert væri að gera en eru stærra verkefni en hér var lagt upp
með er að fylgjast nákvæmlega með mataræði sjúklinga á hjarta- og lungnaskurðdeild.
Slíkt mætti gera með því að láta sjúkling fylla út matardagbók meðan á
innlögn stendur eða með því að vigta matinn sem fer inn til sjúklings og svo aftur
þegar maturinn kemur frá honum til að sjá hversu mikið af matnum hann hafi
borðað. Einnig mætti skoða í blóðprufum albúmín og prealbúmín gildi í blóði. Gildi
prealbúmins myndi þá segja til um hversu vel sjúklingur nærðist. Einnig væri vert að
mæla LÞS fyrir aðgerð, þremur mánuðum og 12 mánuðum eftir aðgerð til að sjá
hvort sjúklingar léttust eða þyngdust. Það gæti sagt til um hversu vel sjúklingar fara
eftir leiðbeiningum um breytt mataræði. Slíkt er oft nauðsynlegt þar sem margir
sjúklingar sem fara í kransæðahjáveituaðgerð eru of þungir og þurfa að breyta um
lífsstíl en það myndi einnig segja til um hvort fólk léttist of mikið vegna lélegrar
fæðuinntektar.
LOKAORÐ
Hér hefur verið fjallað um mikilvægi næringar eldra fólks á spítala sem fer í kransæðahjáveituaðgerð
og hvaða hlutverki hjúkrunarfræðingar gegna í að meta, fylgjast
með og meðhöndla vandamál við næringu sjúklinga. Ljóst er að mikilvægt er að
huga að næringu sjúklinga á spítölum sérstaklega þeirra sem eldri eru því þeir eru í
meiri áhættu á að vera vannærðir. Hjartasjúkdómar tengjast oft á tíðum lífsstíl fólks
46
45