Aðgerðasjúklingar liggja ekki aðgerðalausir II - Hirsla - Landspítali

188
Heiða Hringsdóttir og Sólveig Tryggvadóttir
• Ræða við konu og aðstandendur um hugsanlega eftirmeðferð (geisla-
• og /eða lyfjameðferð) og hugsanlegar aukaverkanir
• Meta kvíða konu og aðstandenda varðandi framhaldsmeðferð á DT-kvarða,
vísa á viðeigandi sérfræðinga ef >3 stig
• Kynna íbúðir Rauða kross Íslands (RKÍ) á Akureyri og Reykjavík ef við á
• Veita upplýsingar um byrjunarbrjóst, gervibrjóst og brjósthaldara. Tryggja að
konan hafi fengið vottorð til að senda Tryggingastofnun (TR) vegna
gervibrjósts
Hjúkrunarferli
Höfundar hafa nú sett fræðsluáætlunina, sem byggist á þremur meginþemum, inn í
hjúkrunarferlið, undir hjúkrunargreiningunni, undirbúningur útskriftar, sjá mynd 2.
Hjúkrunarferli er margþætt ferli með það markmið að veita sjúklingi einstaklingshæfða
hjúkrun. Hjúkrunarferlið er ákveðið skipulagsform hjúkrunar sem byggist á
upplýsingum sem safnað hefur verið saman um einstaklinginn. Eftir að upplýsinga
hefur verið aflað með viðtali, skoðun og öðru tekur við greiningarferli (Gordon,
1994). Hjúkrunarferli þessara kvenna felur að sjálfsögðu í sér margs konar
hjúkrunargreiningar, má þar nefna breytta líkamsímynd, verki, kvíða og skerta líkamlega
hreyfigetu. Við tökum einungis til endurskoðunar eina hjúkrunargreiningu er
snýr að undirbúningi útskriftar.
Samkvæmt tilmælum frá Landlæknisembættinu skal nota NANDA flokkunarkerfið
við skráningu hjúkrunargreininga og NIC flokkunarkerfið (McCloskey og
Bulechek, 2000) við skráningu hjúkrunarmeðferðar. Þegar notuð er stöðluð
hjúkrunarskráning skal gera áætlunina einstaklingsmiðaða. Áætlun um útskrift
sjúklings af sjúkrahúsi skal liggja fyrir svo fljótt sem auðið er (Ásta S. Thoroddsen,
2002). Við ætlum að virkja þessa hjúkrunargreiningu strax á innritunarmiðstöð.
Hjúkrunarmeðferð og mat á árangri
Markmiðið með því að bæta útskriftaráætlun sjúklinga, sem gangast undir skurðaðgerð
á brjósti vegna krabbameins, er að bæta þá hjúkrunarmeðferð sem þessi
sjúklingahópur fær. Að höfðu samráði við deildarstjóra og hjúkrunarfræðinga á H-
deild FSA hafa höfundar unnið að því að bæta útskriftaráætlun fyrir konur sem fara í
aðgerð á brjósti vegna krabbameins. Nýtt hjúkrunarferli með nýrri hjúkrunarmeðferð
hefur þó ekki verið formlega samþykkt en það ferli er í vinnslu.
Á undanförnum mánuðum hafa höfundar beitt nýrri hjúkrunarmeðferð í
útskriftaráætlun fyrir konur með krabbamein í brjósti sem farið hafa í skurðaðgerð á
FSA. Alls hafa fimm konur innan þessa sjúklingahóps hlotið meðferð samkvæmt
nýrri útskriftaráætlun. Höfundar sáu ekki ástæðu til að láta konurnar vita af því að
um nýja hjúkrunarmeðferð væri að ræða því iðulega er verið að breyta og bæta þá
meðferð sem hjúkrunarfræðingar beita í sínu starfi. Töldu höfundar það geta haft
áhrif á viðbrögð sjúklinganna að vita að þeir væru þátttakendur í tilraunaverkefni.
190
189