Aðgerðasjúklingar liggja ekki aðgerðalausir II - Hirsla - Landspítali

179
HEIÐA HRINGSDÓTTIR
SÓLVEIG TRYGGVADÓTTIR
Útskriftaráætlun eftir skurðaðgerð vegna
brjóstakrabbameins
INNGANGUR
Breytingar á íslenska heilbrigðiskerfinu kalla á sparnað sem leiðir til styttri legutíma,
veldur auknu álagi á starfsfólk og auknar kröfur eru gerðar til sjúklinga um að taka
þátt í eigin meðferð. Til að svo megi verða þurfa þeir að vera vel upplýstir og tilbúnir
að sinna þessu hlutverki. Eitt af meginhlutverkum hjúkrunarfræðinga er að veita
sjúklingum viðeigandi fræðslu þegar þeir eru tilbúnir að taka við henni. Mikilvægt er
að laga fræðsluna sem best að hverjum og einum. Styttri legutími og auknar kröfur
um hámarkshagkvæmni sjúkrahúsa valda því að sjúklingar útskrifast iðulega áður en
meðferð lýkur. Oftast fara sjúklingarnir heim til sín og er þá gerð krafa á þá eða
aðstandendur þeirra að axla ábyrgð á meðferðinni. Þarna reynir mjög á aðlögunarhæfni
sjúklings og fjölskyldu hans.
Í þessu verkefni völdum við að skoða hvernig skuli staðið að útskrift kvenna
með brjóstakrabbamein sem gangast undir fleygskurð eða brottnám á brjósti á
handlækningadeild (H-deild) á Sjúkrahúsinu á Akureyri (FSA). Kaflinn er þannig
uppbyggður að fyrst verður fjallað um brjóstakrabbamein og áhrif þess á konur að
greinast með krabbamein í brjósti. Þá verður fjallað almennt um nýjar áherslur í
hjúkrun aðgerðasjúklinga og um útskriftaráætlanir. Því næst er farið yfir niðurstöður
nýlegra rannsókna sem tengjast meðferð og útskriftaráætlunum kvenna eftir skurðaðgerð
vegna brjóstakrabbameins. Að lokum er lögð fram áætlun um hvernig skuli
staðið að útskrift þessara kvenna og fjallað um reynslu höfunda af því að nota
áætlunina. Til að afla heimilda um rannsóknir á útskriftaráætlunum var leitað í
rafrænu gagnagrunnunum PubMed, Medline og ProQuest með leitarorðunum discharge
teaching og planning, nursing og breast cancer. Auk þess voru notaðar heimildir sem við
höfðum viðað að okkur um efnið.
BRJÓSTAKRABBAMEIN
Krabbamein í brjóstum er langalgengasta krabbamein kvenna á Íslandi og nýgengi
þess hefur aukist jafnt og þétt á síðustu árum. Á hverju ári greinast 180-190 konur
með brjóstakrabbamein á Íslandi, þannig getur um tíunda hver kona búist við að fá
slíkt æxli einhvern tímann á lífsleiðinni. Þótt horfur sjúklinga með brjóstakrabbamein
hafa batnað mjög mikið ber að hafa í huga að 30-40 konur deyja árlega úr
þessum sjúkdómi (Jón Gunnlaugur Jónasson, 2008). Miklar framfarir hafa orðið í
181
180