Aðgerðasjúklingar liggja ekki aðgerðalausir II - Hirsla - Landspítali

77
Sárameðferð
Markmið sárasugutækninnar er að auka þægindi og bæta heilsu sjúklinga, minnka
kostnað og stytta sjúkrahúslegu.
Talsverðar rannsóknir hafa verið gerðar undanfarin ár á því hvernig undirþrýstingur
getur hjálpað til við sáragræðslu. Þær rannsóknir, sem gerðar hafa verið, byggjast
flestar á því að sýna fram á að sárameðferð með undirþrýstingi sé áhrifaríkari en
hefðbundin sárameðferð með saltvatnsgrisjum eða öðrum viðurkenndum sáraumbúðum
sem eru á markaðnum í dag.
Við gerð þessa bókarkafla fundust sex rannsóknir unnar á árunum 2000 til 2008
og er yfirlit yfir þær að finna í fylgiriti 1. Niðurstöður þeirra sýna að meðferð með
sárasugu skilar í flestum tilfellum betri árangri en hefðbundin sárameðferð. Í tímamótarannsókn
þeirra Argenta og Morykwas (1997), sem fyrr er getið, voru gerðar athuganir
á 300 erfiðum sárum af misjöfnum toga. Niðurstöður þeirra voru að
samfara auknu blóðflæði og aukningu á myndun græðsluvefjar kom fram marktæk
minnkun á bakteríuvexti sem leiddi til minni ígerðar og lyktar. Tvær rannsóknir
sýndu að sárameðferð með sárasugu er árangursrík meðferð á stór og erfið sár af
völdum sykursýki, þessi sár gróa marktækt fyrr með sárasugumeðferð. Eftir sex
mánuði var ekki marktækur munur á fylgikvillum eins og sýkingum í sárum,
húðsýkingum, beinsýkingum og bjúg hjá þeim sem fengu sárasugumeðferð eða
hefðbundna meðferð (Amstrong og Lavery, 2005; Blume o.fl., 2008). Ein
rannsóknin sýndi að hjá sjúklingum með sykursýki eða hjarta- og æðasjúkdóma
greru sár allt að 9 dögum fyrr með sárasugu. Á heildina litið sýndi
sárasugumeðferðin hvorki hraðari myndun græðsluvefjar, minnkun á sárinu né
minni sýkingu. Mörgum fannst sugan þægilegri vegna færri skiptinga, minni leka og
minni lyktar. Kostnaður á dag var marktækt meiri hjá sárasuguhópnum en
heildarkostnaður á vinnustund var marktækt lægri. Sáraskiptingar hjá
sárasuguhópnum tóku að meðaltali sex mínútum styttri tíma heldur en hjá
samanburðarhópnum. Þegar tekið var tillit til allra þátta, svo sem lengdar meðferðar
og tíma, var ekki munur á kostnaði milli hópanna (Braakenburg o.fl., 2006). Að öllu
þessu athuguðu má draga þá ályktun að meðferð með sárasugu skili betri árangri á
fótasárum af völdum sykursýki en hefðbundin sárameðferð en er svipuð þegar
fylgikvillar eru skoðaðir.
Ein rannsókn fannst þar sem kannað var hvaða áhrif það hefði á daglegt líf að
vera í sárasugumeðferð (Mendonca o.fl., 2007). Úrtak rannsóknarinnar var lítið en
niðurstöður voru að meðferðin hefði ekki áhrif á almenna líðan sjúklinganna.
MEÐFERÐ MEÐ SÁRASUGU
Markmið með sárasugu er að græða sárið alveg eða undirbúa sár þannig að hægt sé
að gera húðágræðslu.
Eins og áður hefur komið fram er meðferð með sárasugu notuð á erfið og
langvinn sár. Meðferðin veldur því að blóðflæði eykst í sárinu og örvun verður á
79
78