versione pdf - Sardegna DigitalLibrary

202
Da-e cando in casantza su maridu
che l’an postu, Giuanna Pili-ruja
si ch’ ‘essit donzi notte cun s’iscuja
chi tenet unu fizu e ch’est famidu!
Gai si dat a su primmu... accudidu
pro su bisonzu... e paren salamuja
sas làgrimas chi ‘ettat a s’incunza
a tales sun salidas pro sa... munza!
Mezus dare che pedire
Mezus a dare che a dever pedire!
Issa l’ischit... pro cussu est cori ‘ona
e bos nât:-Mezus gai che a servire
a die e notte padronu e padrona!
No est mistieri custu? O est mandrona
o visciosa chie ‘essit a chittire
sa zoronada? O forsi fatto isbàgliu
nênde ch’est finas custu unu trabàgliu?
In s’antigóriu a sas de cust’idea
usaian rispettu e cunsideru.
Nâdemi, adducas, est fàula o beru
chi de cust’arte fit Venus sa dea?
Ma su mundu no est bonu e sintzeru
e pesamos cun diversa istadea!
Mascamente chie est a matta piena
chi non crêt daghi est bóida s’anzena!
Biadu a chie in perra de gianna
tenet un’oju pro bonu custou
e coltz’a cuddu chi un’affannu nou
s’agattat cada die o pena manna!
A su bàntziga-bàntziga sa canna
si franghet a su ‘entu! A fagher prou
non bos prego. Ma tappulende pannu
gai e tottu che bàrigo s’annu! -
SOS DÌCCIOS NON SUN... FAE