versione pdf - Sardegna DigitalLibrary

94
Lèande e làssande, o Nigo’, eh raju!...
tantu su mundu non ti che lu tragas!
Andas e benis cun murru e cun baju,
inoghe assazas, cuddae fiagas,
bendes, incunzas, còmporas e pagas,
trattas, azustas cun mere e laccaju!
Su dimóniu! Sa pedra roddulana
l’ischimos chi non ponet mai lana.
Ferru non b’at chena ruinzu
Tue dês àere unu coro ‘e attarzu
s’est ch’a tales l’agguantas s’imbaddinzu!
Sempre pienu lu cheres s’isgarzu,
donz’affaru ti ponet manighinzu...
e tràvigas e sestas che dannarzu!
Ferru non b’at, però, chena ruinzu
e càncheru est cussu, crê’ a mie,
chi si lu màndigat die cun die!
“Su lassadu est pérdidu!” -m’as nadu
finas cumbintu ‘e tenner rejonee
deo t’apo su dìcciu ammentadu
chi nât:-Deus non s’ólvidat persone!e,
pustis galu, unu pagu airadu:
-Si Deus dat e leat, ingurdone,
cale merìtos li presentas tue
pro leare tottora e in tottue?
Deras nessi s’avassu a su mischinu
chi calchi ‘olta ti tzoccat sa gianna!
Si non gighes chereu a cheja-manna
ca times de frazare unu lominu!
Tue, e cuddos che tue, chena tinu
a unu deus cantades s’osanna,
a su ‘inari, chi ammuntonades
chen’importu e chi non bos gosades!-
SOS DÌCCIOS NON SUN... FAE