Quan els vescomtes de Barcelona eren - Fundació Noguera

240 JOSÉ ENRIQUE RUIZ-DOMÈNEC
turrim cum omnibus suis pertinenciis retinebat et predicto cenobio
per suum testamentum cum prefato castro Albignana largivit. De
hoc itaque castro vocitato Albignana tale nobis per legem videtur
esse iudicium. Si ita est, ut prefatus abbas dicit, quod Adalbertus
heremum et sine habitatore illud invenisset, et sicut consuetudo est
per vocem aprisionis eum condirexisset et per hanc vocem quandiu
vixit eam tenuisset, et per vocem paterne successionis quam
habere debebat in marchiis heremis, sicut fratres sui in aliis locis
habent istius simillimis, satis patet hoc castrum fuisse iuris istius
Adalberti, et potuit exinde facere quod voluit quoniam lex dicit:
“Omnis ingenuus, vir sive femina, seu nobilis seu inferior fuerit,
si filios aut nepotes seu etiam pronepotes non reliquerit, faciendi
de rebus suis quod voluerit habeat potestatem.” Hoc autem ita
peracto et sentencialiter definito, Raimundus supradictus indolis
comes per sentenciam iudicum et principalem vocem faciende
iusticie consignavit et contradivit suprafactam turrim cum omnibus
suis pertinenciis, terminis et limitibus, et suprafatum castrum
Albignana cum omnibus suis et pertinenciis et finibus in potestate
et dominio sancti Cucufati Dei serviencium.
Habita fuit hec audientia supradicto anno kalendis madii, et
iudicialiter postmodum confirmata, ab his iudicibus et primatibus
quibus Deus vitam concessit, et infrascripti sunt mano propria vel
consuetudinis signo.
Guifredus levita qui et iudex, hanc causam legaliter examinavit
et rectissime in iure sancti Chuchufati consignavit atque
sub (senyal).
S+ Poncii cognomento Bonifilii clerici et iudicis, qui haec quae
suprascripta sunt iuste ac legaliter definita sciens consignando ea
in iure aecclesiae sancti Cucufatis predicti, ideoque subscripsit.
+ Hermessendis graciae Dei comitissae, quae similiter supradictarum
rerum consignacionem in ius sancti Cucufatis fecit
et firmavit. S+ Gondballi Bisorensis. S+ Seniofredi Baralis. S+
Remundi de Matrona.
Gonterius presbiter (senyal) et monachus, qui ista carta audicionis
scripsi die et anno quod supra.