Quan els vescomtes de Barcelona eren - Fundació Noguera

QUAN ELS VESCOMTES DE BARCELONA EREN 361
ut omnem prescritum iuditium fecisset ei ad illum placitum vel
placitos quando predicti comes et comitissa ei mandaverint.
Item querelavit se iam dictus comes de predicto Mirone de
ipso fevo qui fuit de Gondeballo, quem predictus Miro tenebat
sine dono chomitis predicti et sine suo grato.
Item querelavit se predictus comes de Mirone iam dicto de
ipsas franchedas de Vales, quia postquam fuit iudicatum quod
predictus Miro non habuisset predictas franchedas sine mercede
comitis, ipse Miro et sui illas postea imparaverunt et albergaverunt
et espletaverunt et placitaverunt et de ipsis placitis habuerunt
quod comes inde deberet habere, et de ipsas franchedas ipse Miro
postea comparavit et sui homines similiter de ipsas franchedas
postea comparaverunt.
Item querelavit se iam dictus comes de predicto Mirone de
noveletads de fortedas quas ipse et sui tenent, que fuerunt facte
de morte Remundi Borrelli comitis usque nunc.
Item querelavit se iam dictus comes de predicto Mirone de
turres de Calles et de ipso alodio quod Guilelmus ibi tenet, quia
predictus Miro et sui tulerunt ipsam turrem et ipsum alodium ad
comitem et ad suos, et habuit inde predictus Miro et sui quod
comes et sui deberent habere inde.
Item querelavit se prescriptus comes de iam dicto Mirone et
de uxore sua et de filio suo Bernardo de acapte et de convenientia
ad acaptar honorem iam dicti comitis ad damnum iam dicti
comitis et uxoris sue et filiorum suorum.
Item querelavit se iam dictus comes de hominibus prescripti
Mironis, qui placitaverunt dampnum iam dicti comitis et predam
de sua honore.
Item querelavit se iam dictus comes de hominibus predicti
Mironis, qui occiderunt Guillelmum Guadalli.
Item querelavit se iam dictus comes de hominibus iam dicti
Mironis, qui occiderunt et espedaverunt homines suos et alios
flagellaverunt et testa fregerunt, et de suos pistores quos illi tonderunt.
Item querelavit se iam dictus comes de predicto Mirone quia
predictus comes per fer-i directum ad illum de Oliba Seniuldo et
de fratre suo Remundo, et ipse noluit recipere set chavalchavit
super eos et fecit eis magna malefacta.