Quan els vescomtes de Barcelona eren - Fundació Noguera

264 JOSÉ ENRIQUE RUIZ-DOMÈNEC
bus habere se proclamaverint, si aliquis iudex fuerit qui dicat idem
testimonium debere recipi, hoc non erit iustum neque necesse ut
ipsum testimonium susceptum ut valorem optineat a susceptoribus
confirmetur, quoniam Raimundus comes predictus, qui ipsam terram
heremam et sine habitatore et sine edificio alicuius aprisiatoris
invenit, iustissime potuit sicut et fecit scripturam donacionis
exinde huic ecclesie facere et dare quod pre[de]cessores sui comites
illi confirmarerunt. Et non erit iustum seu necesse ut ipsum
testimonium recipiatur, quoniam anterior est vox precepti Hludoici
supranotati quam ipsa aprisio quam ipsi testes Giscafredus et
Lobatonus tempore Poncionis abbatis predicti monasterii factam
fuisse testificati sunt, et eo quod Miro supradictus non quivit vel
potuit sufficienter atque legaliter comprobare infamiam predictorum
testium aut quod falsum contra illum dedissent testimonium. Et
ut haec iudicii scriptura valorem perpetuum obtineat ultra placitum
constitutum et supra determinatum, expectavit idem iudex supradictum
Mironem XI diebus, ut vel ad diem super adieccionis
veniret ad placitum, quod si aliquid habebat quod rationabiliter
accusaret vel diceret licentiam habuisset. Unde quia neque ad diem
super adieccionis noluit venire sed contempsit, iudex supradictus
confirmavit hanc iudicii scripturam in iure donacionis aecclesie
sancti Cucuphatis ex suprameminita possessione, unde intencio
vertebatur, ut aeternaliter vigorem plenitudinis obtineat. Et si quis
contra hoc iniuste venire temptaverit, componat XII libras auri
aecclesie prenotate. Et insuper huius iudicii scripturam firmitatem
in omnibus obtineat.
Actum est hoc XV kalendas aprilis, anno II regni Henrici
regis.
S+ Poncii cognomento Bonifilii clerici et iudicis, qui hoc
legaliter examinavit et iuste definitum sciens subscripsit et testibus
firmare optavit. S+ Guilelmi de Montes Catano. S+ Reimundi
Guilelmi. S+ Guadalli Seniofredi de sancto Vincentio. S+ Riculfi de
Parietibus. S+ Reimundi Aicii. S+ Amalrici, fratris eius. S+ Guadalli
Cixelani. S+ Oliba Mironis. S+ Guifredi Longobardi. S+ Vivani
Pontionis. S+ Guilaberti Bonutii. S+ Bernardi Goltredi. S+ Lupi
Sancii Eurardi. S+ Maieri, fratris eius. S+ Adalberti Eldesindi. S+
Bonifilii Seniofredi. S+ Arnalli Guilelmi. S+ Boniparis, fratris eius.
S+ Guitardi Navu. S+ Gondeballi Ermemiri. S+ Geriberti Quirici.
S+ Reimundi Adalberti. S+ Sendredi Venanciani. S+ Iadballi Seniofredi.
S+ Bonifilii Aursindi. S+ Maieri, fratris eius. S+ Bonifilii
Leopardi. S+ Adalberti de Perticacio. S+ Bonifilii Seniofredi. S+