Quan els vescomtes de Barcelona eren - Fundació Noguera

378 JOSÉ ENRIQUE RUIZ-DOMÈNEC
sulas Baleares et episcopatum civitatis Denie et episcopatum civitatis
Oriole et earum ecclesias omnes et quantum pertinet ad
clericatus ordines ut omnes episcopi, presbiteri et diachoni aliique
clerici in prelibatis insulis et in prefatis locis commorantes, a
minimo usque ad maximum, et a puero usque ad senem, ab hodierno
die et deinceps minime conentur deposcere ab alio aliquo
pontificum ullius ordinationem clericatus, neque crismatis sacri
confessionem neque aliquem cultum ullius clericatus nisi ab episcopo
Barchinonensi aut ab illo cui ipse preceperit sive permiserit,
sicut illa scriptura testatur quam inde Muiehid et filius eius Aly
hismaelite quondam fecerunt et Guilaberto episcopo Barchinonensi
dederunt et tradiderunt. Insuper etiam admonemus atque mandamus
ut Barchinonensis sedis ecclesia omnino sit libera et semper
gaudeat franchitate secura, et chanonici simul cum ipsa canonica,
cum rebus ad eandem canonicam pertinentibus. Terminos quoque
episcopatus sancte sedis Barchinonensis ita volumus esse distinctos
et ab Ausonensi et Gerundensi episcopatu esse discretos, sicut
per anticos novimus populos et sicut debite constituti sunt contra
orientalem et septentrionalem plagam sive per plana seu per colles
devexos atque montes excelsos, et contra meridiem longe per
gurgites maritimos, et contra occidentem versus Dertosam annotatos
Balagarii locos, ut quicquid intra et extra predicta sedes
adquisivit vel adquisierit per iuste largitionis modos habeat confirmatum
per nos predictos episcopos et manu nostra roboratum
sive per alios atque per me Remundum comitem et per me comitissam
Almodem et sucessores nostros filios et nepotes et pronepotes
et deinceps alios. Nam et providencia nostra illud solerter
providere curavit, ut si Tarrago, que diu elanguit, adhuc per nos
principes aut per successores nostros, largiente Deo, vires convalescendi
habuerit et in pristini honoris statum Deus reduxerit, per
nos et successores nostros non perdat quod iuste habuit et habere
debebit et debite recuperare poterit. Set et propter honorem
Christi et sancte Crucis gloriam ut, sicut regi Constantino sic
nobis de barbaris per crucis triumphum det victoriam, constituimus
huius diei aniversariam de securitate et tranchillitate gaudere
memoriam, in qua nemo per VIII dies aniversarie memorie huius
consecrationis, quatuor quidem qui precedent et quatuor qui
subsequentur, interpositum nonum diem festive rememorationis
istius sancte dedicationis, audeat tollere vel faciat tolli rem alicuius
advenientis vel redeuntis, vel assalliat vel assalliri faciat
vel noceat quocumque modo malignitatis, vel toloneum accipiat