Quan els vescomtes de Barcelona eren - Fundació Noguera

QUAN ELS VESCOMTES DE BARCELONA EREN 377
nobilis eius uxor domna Almodis et idem pontifex Barchinonensis,
intergecta evolutione annosi temporis, vidissent desideratam perfectionem
coepti operis, pro premiis eterne retributionis, coeperunt
cogitare de die consecrationis ut perfectius potuissent Deo placere
de perfectione laboris et de comuni voto dedicationis. Igitur
tantus princeps et tam nobilis comitissa tamque pius et benignus
episcopus constituerunt consecretionis insigne opus, et quartus
decimus dies kalendarum decembrium est constitutus et facta est
ipso die dedicatio ad millesimi quinquagesimi octavi ab incarnatione
Domini tempus, secundum eram nonagesimam sextam, inditione
vero undecimam, propriis notam temporibus. Et in ope et
in opere dedicationis huius invitatus est ab eis reverendissimus
Narbonencium archiepiscopus urbis metropolitane Guifredus, et
religiosissimus primas Arelatensis ecclesie Rayenbaldus archiepiscopus,
aliique episcopi quorum numerus subscriptis declarabitur
nominibus, et congregatus est infinitus diverse etatis ac sexus
populus, permixtis clericorum et laicorum ordinibus, ut magni
gaudii et festivitatis esset celebris conventus, et anniversaria memoria
diei huius in futuris non cessaret temporibus. Publicata
etiam per seriem dotis huius factam et confirmatam ab ipsis archiepiscopis
atque pontificibus et ab ipso comite et comitissa,
aliisque principibus clericis videlicet atque laicis videntibus, que
modo verbis sic incipit talibus: In nomine sancte et individue
Trinitatis. Ego Guifredus archiepiscopus Narbonensis, et ego Rayemballus
archiepiscopus Arelatensis, et ego Guillelmus episcopus
Urgellensis, et ego alius Guillelmus episcopus Ausonensis, et ego
Berengarius episcopus Gerundensis, et ego Arnaldus episcopus
Elnensis, et ego Paternus episcopus civitatis Tortosensis, et ego
Guilabertus episcopus Barchinonensis una cum consensu ac iussu
dompni Raimundi principis Barchinonensis et comitis Gerundensis
et marchionis Ausonensis, et cum assensu sue coniugis nomine
Almodis comitisse nobilis, subarrantes anulo divine legis, celesti
regi sponsam ecclesiam Barchinonensis sedis donamus et
confirmamus predicte sedi omnes ecclesias et universa sua predia
et omne deditum sibi iuste debitum et omnem censum et redditum,
quantumcumque et quandocunque et ubicumque iuste adquisitum
et adquirendum, ut secure et libere habeat et possideat
im perpetuum et nulla potestas hoc habeat vel aliquis homo per
virtutem vel per ingenium preter episcopi ipsius sedis vel clericorum
assensum. Preterea nos supradicti omnes excomunicando sub
anathematis interdictione confirmamus Maiorcas et Minorcas in-