Quan els vescomtes de Barcelona eren - Fundació Noguera

496 JOSÉ ENRIQUE RUIZ-DOMÈNEC
Crucibus, cum villa de ipso Brug cum omnibus que ibi habeo et
habere debeo per omnia loca et cum omnibus terminis suis et affrontacionibus.
Dimitto Ospitali Yherosolimitano ipsam Gruam
cum omnibus terminis et affrontacionibus suis sicut ego melius
habeo et habere debeo. Dimitto sancte Marie de Monte Serrato
illos scilicet mansos Petri Trasuer et Olivarii qui fuit condam et
Escharrumene cum omnibus terminis et tenedonibus et affrontacionibus
suis, quantum in eis accipio et habeo et melius habere
ibi debeo integriter. Predicti vero mansi sunt in terminis kastri
Apierole, et quicquid de locis et de decimis vel de aliis causis,
iuste vel iniuste, accipio in mansis et in honoribus quos sancta
Maria iam dicta de Monte Serrato habet et tenet et habere debet
in terminis kastrorum Apierole et Guardie et Brug totum ei libere
dimitto sine meo meorumque retentu per omne tempus. Dimitto
sancte Marie de Minorisa ipsum locum et decimas et omnia que
accipio, iuste vel iniuste, in 1 mansis et in honoribus predicte sancte
Marie de Minorisa, in illis quos habet in terminis kastri Apierole,
sine meo meorumque retentu per omne tempus. Dimitto
sancte Cecilie de Monte Serrato hoc totum quod ego, iuste vel
iniuste, accipio in eius honore de Guardia, scilicet locum et decimas
et cetera omnia, sine omni meo meorumque retentu per
omne tempus. Dimitto sancto Paulo de Guardia hoc totum quod
ego accipio, iuste vel iniuste, in mansis et in honoribus eius per
omnia loca in terminis kastri de Guardia et de Brug, scilicet locum
et decimas et alia omnia sine omni meo meorumque retentu per
omne tempus. Dimitto Arberto de Castro Veteri castrum de Guardia
cum omnibus terminis et exitibus suis quas ibi habeo et melius
habere debeo, et castrum Apierie similiter, et fevum quod
Bernardus de Bel Log tenet per me, exceptus laxacionibus quas
pro anima mea ecclesiis predictis feci, et mille quingentos morabetinos
quos habeo per pignus domini regis in ipsa Guardia et in
Apieria et in Cabrera, et CC morabetinos quos habeo in pignore
de Vachericiis. Sub tali vero condicionis ut ipse Arbertus iam
dictus de Castro Veteri infra spacium V annorum paccet omnia
mea debita sine omni meo engan, quod si paccare mea debita
infra iam dictum spacium noluerit, vel ipse ab hoc seculo dicitur
sine filio vel filiis legitimi coniugii discesserit, remaneant predicta
castra, scilicet Guardiam et Apieriam et fevum quod Bernardus
de Bel Log tenet per me, Guillelmo de Guardia consanguineo meo
cum illis mille quingentis morabetinis iam dictis quos habeo in
Guardia pro pignore domini regis et in Apieria et in Cabrera, et