INGLIZ TILI GRAMMATIKASI - Saytga o`tish

PREDLOG
(THE PREPOSITION)
Umumiy ma’lumotlar
1. Predlog deb ot (yoki olmoshning) gapdagi boshqa so‘zlarga munosabatini
ko‘rsatuvchi yordamchi so‘zlarga aytiladi. Ingliz tilida keli shik
qo‘shimchalari yo‘qligi uchun ular ko‘p hollarda o‘zbek tilidagi kelishik
qo‘shimchalari vazifasini bajaradi:
He lives in London. U Londonda yashaydi.
He is sitting under a tree. U daraxt ostida o‘tiribdi.
After dinner he went to the library. U tushlikdan keyin kutubxonaga
bordi.
He came with his brother. U akasi bilan keldi.
2. Har bir predlog bir nechta mustaqil ma’nolarda kelishi mumkin.
Masalan, in predlogi quyidagi ma’nolarda ishlatiladi:
a) -da (joyga nisbatan ishlatiladi):
He lives in London. U Londonda yashaydi.
b) -da (vaqtga nisbatan ishlatiladi, oy va yil oldida):
He will arrive in May. U may oyida keladi.
c) keyin ma’nosida:
He will return in an hour. U bir soatdan keyin qaytib keladi.
d) -da, ichida, mobaynida:
The house was built in three Uy uch oy ichida qurildi.
months.
3. Ko‘p hollarda u yoki bu predlogning ishlatilishi undan oldin kelayotgan
fe’lga, sifatga yoki otga bog‘liq bo‘ladi. Masalan, to depend fe’li o‘zidan
keyin on predlogini talab qiladi:
It doesn’t depend on me. Bu menga bog‘liq emas.
To laugh fe’li o‘zidan keyin at predlogini talab qiladi:
He laughed at me. U mening ustimdan kuldi.
Sure sifati o‘zidan keyin of predlogini talab qiladi:
He was sure of it. U bunga amin edi.
Objection oti o‘zidan keyin to predlogini talab qiladi:
I have no objection to that. Menda bunga e’tiroz yo‘q.
4. Ba’zi fe’llar turli predloglar bilan kelganda, ma’nosi o‘zgarib kelishi
mumkin:
198