As “Maletas” - Asociación Cultural de Estudios Históricos de Galicia

Carlos Pereira Martínez y Ana Romero Masiá
destacadas da cidade (o profesor Segundo Moreno Barcia, os médicos José Rodríguez
e Ramón Pérez Costales, José Martínez Fontenla, José Arias...). 23
Sanjurjo foi o primeiro presidente da entidade, reelixido ao ano seguinte 24 e, de novo, en
1902 25 ; en xaneiro de 1904, 1905 e 1906 foi elixido tesoureiro 26 e, en 1909, secretario 27 .
Nos primeiros anos da súa existencia, a Antorcha organizou numerosos actos nos que,
aínda que non figure expresamente o seu nome, como cargo directivo e organizador
nato, podemos imaxinar a dedicación e traballo desenvolvido por Sanjurjo no seo da
institución. A prensa recolle a súa presenza na mesa presidencial do mitin de abril de 1899
celebrado no Teatro Circo ao que acudiron unhas 4.000 persoas a escoitar aos líderes
republicanos Moreno Barcia e os médicos Rodríguez e Costales, tres personalidades
que sempre congregaban multitudes pola calidade das súas intervencións 28 . Presidiu
tamén outro mitin multitudinario celebrado na praza de touros en outubro de 1904,
naquela ocasión de carácter anticlerical, para protestar contra a peregrinación católica a
Pastoriza 29 . Como secretario acompañou ao presidente, José Arias, e aos profesores da
escola laica Constancio Romeo e Juan Matiú cando visitaron a redacción do periódico El
Noroeste para explicar o recurso de alzada que interpuxeran contra a clausura da escola
laica que sostiña a entidade 30 .
A partir de 1909 non encontramos máis datos que relacionen a Sanjurjo con cargos
directivos da Antorcha, nin tampouco localizamos o seu nome na participación en actos
da entidade.
Sanjurjo e Germinal
O papel de Sanjurjo en Germinal foi moi similar ao desempeñado en La Antorcha:
fundador e primeiro presidente en 1902 31 , reelixido en 1909 32 .
En función do seu cargo presidiu un acto en Germinal no que se unía, en amor libre, unha
parella, un acto comentado con sorpresa pola prensa local 33 .
23 Pereira Martínez, Carlos, Romero Masiá, Ana (2004). “As orixes da “Antorcha Galaica del Librepensamiento”
(1897-1900)”, Ferrolanálisis, nº 19, pp. 84-89.
24 ARG. FGCL-05124. LVG, 16-1-1898.
25 EC, 26-1-1902.
26 LVG, 28-1-1904. EN, 29-1-1904. LVG, 25-1-1905. EN, 25-1-1905. LVG, 18-1-1906.
27 EN, 9-10-1909.
28 LVG, 24-4-1899.
29 EN, 20-10-1904.
30 EN, 9-10-1909.
31 Pereira Martínez, Romero Masiá (2003): pássim; EN, 21-6-1902.
32 Pereira Martínez, Romero Masiá (2003): pássim.
33 LVG, 2-11-1902.
152
NALGURES · TOMO VI · AÑO 2010