As “Maletas” - Asociación Cultural de Estudios Históricos de Galicia

A saúde
Muxía. Apuntamentos para a súa historia. Séculos XII a XVI
En canto a saúde, está documentada no ano 1574 a enfermidade da gota.
E que, para remedios das súas doenzas, acudían a un mestre en cirurxía que había en
Xallas.
A peste que en Galicia está evidenciada nas Rias Baixas sobre o ano 1567, fai presenza
en Muxía tamén polas mesmas datas, 1568. Este dato sinálase nos documentos de 1588,
nos que se lle reclaman 288 reais aos veciños da vila para pagar o servizo ordinario
e extraordinario ao Rei. Eles alegan que non poden pagalo, dado que esa cifra estaba
estipulada, anualmente, cando en Muxía había 140 veciños, polo ano 1564, pero pola
peste e “pestilencia” que asolou a vila, quedou reducida a poboación a corenta, cara os
anos 1571-1572. Basean a súa defensa en que non lle poden pedir esa cantidade cando
son algo menos dun terzo da xente que soportaba aquel imposto. O argumento que
esgrimen os declarantes é que, naqueles anos de prosperidade, a maioría dos veciños
eran mercaderes, “(…) ansi por mar como por tierra que tenian sus barcos nabios e
sente [xente] de mar que navegaban y otros a pescar (…) pero (...) mucha parte de la
villa está despoblada y muchas casas que de antes se bibia y poblaban estan caidas y
despobladas con la mucha pobreza (…) se an ydo parte de los vecinos de la dicha villa
por no poder llegar a la paga de los dichos pechos (...)”. 66
O enxoval
Respecto ao enxoval, mostramos os datos 67 de 1563 do contido dunha casa (a de
Francisco López), a través dun embargo, do que levanta escritura o notario da vila coa
presenza do alabardero da Capitanía do Reino de Galicia:
Cantidade Obxecto
5 Almoadas labradas las una de negro e las otras de amarillo
1 Almoadilla pequena
1 Trabesero labrado de seda negra
1 Trabesero de doselas blanca
12 Sabanas delgadas y una grosa
15 Mesas de manteles gruesas y delgadas
1 Sabana
1 Mesa de manteles
5 Mesas de manteles
3 Sabanas
66 ARG. R. Aud cia . Leg. 753 / 34.
67 ARG. R. Audcia. Leg. 15478 / 3.
NALGURES · TOMO VI · AÑO 2010 39