Europako Erreferentzia Markoa - HABE

1 0 5
ELKARRIZKETAK EGITEA ETA ELKARRIZKETATUA IZATEA
C2
C1
B2
Gai da elkarrizketan berari dagokion partea ongi aurkezteko, esaten duena egituratzeko
eta autoritatez eta erabateko jariotasunez aritzeko, elkarrizketatzaile izan
edo elkarrizketatu izan, ama-hizkuntzan diharduenari inolako eragozpenik sortu
gabe.
Gai da elkarrizketan erabateko parte-hartzea izateko, bai elkarrizketatzaile gisa bai
elkarrizketatu gisa, eztabaidagai diren ideiak jariotasunez eta laguntzarik gabe
zabalduz eta garatuz, eta harridura-hitzak ongi erabiliz.
Gai da elkarrizketak eraginkortasunez eta jariotasunez egiteko, prestatuta dituen
galderetatik aldenduz, tarteka, hariari ongi jarraituz eta erantzun interesgarriak
emanez.
Gai da elkarrizketa batean aurrea hartzeko, laguntza handirik gabe bere ideiak
zabaltzeko eta garatzeko, eta, hala behar izanez gero, elkarrizketatzaileari laguntza
eskatzeko.
B1
Gai da elkarrizketa edo kontsulta batean eskatzen zaion informazio zehatza emateko
(adibidez, sendagileari sintomak deskribatzeko), baina zehaztasun mugatua
du horretan.
Gai da aurrez prestatutako elkarrizketak egiteko, informazioa egiaztatuz eta berretsiz,
nahiz eta balitekeen, solaskideak presaka edo luze erantzuten badu, esan diotena
errepika diezaioten eskatu behar izatea tarteka.
Gai da elkarrizketetan edo kontsultetan aurrea hartzeko (adibidez, gai berri bati heltzeko),
baina elkarreraginean elkarrizketatzailearekiko mendekotasun handia du.
Gai da aurrez prestatutako galdetegi bat erabiliz elkarrizketa egituratua egiteko,
bat-bateko galdera osagarri batzuk erantsita.
A2
Gai da elkarrizketa batean esan nahi duena ulertarazteko eta eguneroko bizitzako
gaiei buruzko ideiak eta informazioa adierazteko, baldin eta, tarteka, esandakoa
argi diezaioten eskatzeko aukera badu eta esan nahi duena adierazten laguntzen
badiote.
Gai da elkarrizketa batean galdera eta adierazpen errazei erantzuteko.
A1
Gai da elkarrizketetan datu pertsonalei buruzko galdera erraz eta zuzenei erantzuteko,
oso mantso eta argi hitz egiten badiote, eta hizkuntza zuzena eta ez idiomatikoa
erabiltzen bada.
4.4.3.2 Idatzizko elkarreragina
Idatzizko hizkuntzaren bidezko elkarreraginean era honetako jarduerak sartzen dira:
• oharrak, memorandumak, etab. igorri eta trukatzea, ahozko elkarreragina ezinezkoa edo desegokia
gertatzen bada;
• gutun, fax, posta elektroniko eta abarren bidezko trukea;
• hitzarmen, kontratu, agiri eta abarretako testua negoziatzea, zirriborroak aldatzea eta trukatzea,
aldaketak egitea, probak zuzentzea, etab.;
• hitzaldietan parte hartzea, Interneti lotuta edo ez.