Europako Erreferentzia Markoa - HABE

7 5
Erreferentzia Markoaren erabiltzaileek gogoan izan beharko dute, eta, hala dagokionean,
zehaztu:
• zein gaitan trebatu ikaslea, nola trebatu edo gai horri dagokionez zer eskatu;
• zein azpikategoria landu arlo bakoitzaren baitan;
• zein nozio espezifiko erabili beharko dituen ikasleak, tokiei, erakundeei eta organizazioei,
pertsonei, objektuei, gertaerei eta ekimenei dagokienez, nola trebatu horretarako
edo horri dagokionez zer eskatu.
4.3 Komunikazio-atazak eta asmoak
4.3.1 Hizkuntzaren erabilera-arloen arabera
Hizkuntzaren erabiltzaileak egoera jakin batean dituen premiak asetzeko egin ohi ditu solaskide bat
edo gehiagorekiko komunikazio-ekintzak. Arlo pertsonalean, komunikazio-ekintza bisitari bat entretenitzea
izan daiteke, adibidez, familiari, lagunei, gustuko duenari eta ez duenari buruzko informazioa
trukatuz, esperientziak eta jarrerak alderatuz, etab. Arlo publikoan, trukearen xedea merkataritzaxedea
izango da bereziki, adibidez, arrazoizko prezioan kalitate oneko arropa erostea. Lan-arloan,
araudi berriak eta araudi horiek bezeroengan izango duten eragina ulertzea izan daiteke elkarreraginaren
funtsa. Hezkuntza-arloan, berriz, rol-jokoetan edo mintegi batean parte hartzea, edo biltzar edo
argitalpen baterako gai espezializatu bati buruzko artikulu bat idaztea, etab.
Urteek aurrera egin ahala, beharren analisiak eta hizkuntzaren azterketa xeheak bibliografia zabala
eman du ikasleak bete beharreko hizkuntz atazei buruz edo ikasle bati hainbat arlotan sortzen diren
egoeretako beharrei aurre egiteko eska dakiokeenari buruz. Beste askoren artean, aipagarriak dira lanarloaren
baitako atazen honako adibide hauek, Threshold Level 1990en argitaratuak (2. kapitulua,
1.12 atala).
Komunikazioa lanean
Aldi bateko egoiliar gisa, ikasleek gai izan behar dute:
• lan-baimenak, etab. lortzeko izapideak egiteko;
• enpleguari buruzko informazioa lortzeko, adibidez, enpleguaren egoeraren, eskuragarritasunaren
eta baldintzen (adibidez, lanpostuaren deskribapena, soldata, lanaren arauak, aisia eta oporrak,
kontratuaren iraupena) berri galdetzeko (enplegu-agentzietan, esaterako);
• lanpostuen iragarkiak irakurtzeko;
• lana eskatzeko gutunak idazteko eta elkarrizketak egiteko, datuei, tituluei eta norberaren esperientziari
buruzko ahozko edo idatzizko datuak emanez eta haiei buruzko galderei erantzunez;
• kontratuak egiteko prozedurak ulertzeko eta betetzeko;
• lan batean hastean egin beharreko atazak ulertzeko eta ataza horiei buruzko galderak egiteko;
• segurtasun-arauak eta jarraibideak ulertzeko;
• istripu baten berri emateko eta aseguru-konpainiari kalte-ordaina eskatzeko;
• gizarte-asistentziako zerbitzuak erabiltzeko;
• nagusiekin, lankideekin eta mendekoekin harreman egokiak izateko;
• enpresaren edo erakundearen gizarte-bizitzan parte hartzeko (adibidez, tabernan, kiroletan eta
elkarteetan, etab.)
Komunitate gonbidatzaileko kide gisa, ikasleak jakin behar luke atzerriko hiztun bati (hizkuntza
hori ama-hizkuntza izan edo ez) zerrenda horretako atazak egiten laguntzen.