Europako Erreferentzia Markoa - HABE

1 6 8
helburuen berri ematea guri eta beste hainbat pertsonari. Horrek hizkuntzen irakaskuntzaren arloaren
dibertsitate konplexua hobeto ulertzen lagunduko liguke, edo eztabaida bizia sortuko luke; hobe da
hori, betiere, ortodoxia jakin bat ortodoxia izate hutsagatik onartzea baino.
6.4.1 Ikuspegi orokorrak
Oro har, nola espero dugu ikasleek bigarren hizkuntza edo atzerriko hizkuntza (H2) ikastea Hona
hemen horretarako zenbait bide:
a) H2ren benetako erabilerarekin zuzeneko harremana izanez, ondoren adierazten den moduetakoren
batean:
– bertako hizkuntza ama-hizkuntza duen hiztunen batekin edo batzuekin aurrez aurre;
– elkarrizketak entzunez;
– irratia, grabazioak eta abar entzunez;
– telebista eta bideoak ikusiz eta entzunez;
– benetako testu idatziak, manipulatu gabeak, irakurriz (egunkariak, aldizkariak, kontakizunak,
eleberriak, kartelak eta iragarkiak, etab.);
– ordenagailu-programak, CD-Romak eta abar erabiliz;
– ordenagailu bidezko solasaldietan parte hartuz, Interneti lotuta edo ez;
– irakasteko bitarteko gisa H2 erabiltzen duten kurrikuluko beste ikasgai batzuei buruzko
ikastaroetan parte hartuz.
b) H2n ahoskatutako eta idatzitako testuak, bereziki hautatuak (adibidez, egokituak), hau da, sarrerako
“input” ulergarria, zuzenean landuz.
c) H2n gertatzen diren benetako komunikazio-elkarreraginetan zuzenean parte hartuz.
d) H2n berariaz sortutako eta landutako atazetan (irteerako material “output” ulergarria) parte hartuz.
e) Autodidakta moduan, bakarkako ikasketa (gidatua) eginez, helburu hitzartuak finkatuz eta norberak
zuzenduz, eta eskura dauden material didaktikoak erabiliz.
f) Aurkezpenak, azalpenak, ariketak (errepikapenezko ariketa mekanikoak) eta ekoizpen-jardueren
konbinazioa eginez, baina H1 erabiliz ikasgelan azalpenak egiteko eta kontrolerako.
g) f) puntuan aipatutako jardueren konbinazioa eginez, baina beti ikasgelako helburu guztietarako
H2 soilik erabiliz.
h) Aurreko jardueren konbinazioaren bidez, agian f) puntutik hasita, baina poliki-poliki H1en erabilera
murriztuz, eta ataza eta ahozko nahiz idatzizko benetako testu gehiago sartuz, eta autoikaskuntza
areagotuz.
i) Aurreko guztia planifikazio pertsonalarekin eta taldekoarekin konbinatuz, ikasgelako atazen
gauzatzearekin eta irakaslearen laguntzaz egindako ebaluazioarekin, ikasleen beharrei erantzuteko
elkarreragina negoziatuz.
– Erreferentzia Markoaren erabiltzaileek gogoan izan beharko dute, eta, hala dagokionean,
zehaztu:
• Zein ikuspegiri jarraitzen dioten oro har, aurreko horietako bati edo bestelako bati.
6.4.2 Irakasleen, ikasleen eta ikus-entzunezkoen eragina hizkuntzen ikaskuntzan eta
irakaskuntzan
Irakasleen, ikasleen eta ikus-entzunezkoen zeregina zehaztu beharra dago.
Eskolan zenbat denbora emango da, edo espero da ematea, honako lan hauetan