Europako Erreferentzia Markoa - HABE

251
(1996/2000) zehaztapenei buruzko emaitza enpirikoak ere kontsultatu ziren. Ahozkoaren eta idatzizkoaren
ulermenerako eta idatzizko adierazpenerako ehun zehaztapenetik gora hautatu ziren. Gainera,
mintzamenari buruzko zehaztapenak ere aukeratu ziren, baina mintzamena ez denez oraingo DIA-
LANG sistemaren osagai, ez ziren behean deskribatzen den balioztatze-azterketan sartu eta ez dira
eranskin honetan kontuan hartu.
Zehaztapenak berridatzi egin ziren, “Gai da” formula erabili ordez, “Gai naiz” formula erabiliz, irakasleak
egindako ebaluaziorako baino gehiago, autoebaluaziorako erabiliko zirela kontuan hartuta.
Zehaztapen batzuk aldatu egin ziren, eta erraztu ere egin ziren, erabiltzaile potentzialei egokitzeko; zehaztapen
berriak ere eratu ziren, Erreferentzia Marko Bateratuan nahiko material ez zegoen kasuetan (zehaztapen
berriak letra etzanez idatzita agertzen dira tauletan). Zehaztapenen behin betiko erredakzioa erabaki
aurretik, Erreferentzia Markoko zehaztapenen sortzaile izan zen Brian North doktoreak eta hizkuntzen
irakaskuntzan eta ebaluazioan aditu ziren beste lau kidek ikuskatu zituzten zehaztapen guztiak.
Itzulpena
DIALANG sistema eleanitza denez, autoebaluaziorako zehaztapenak ingelesetik beste hamahiru hizkuntzetara
itzuli ziren gero. Itzulpena egiteko prozedura hitzartu baten arabera egin zen. Itzulpenerako
eta negoziaziorako irizpide nagusiak hitzartu ziren; erabiltzaileak erraz ulertzeko modukoa izatea zen
irizpide kualitatibo nagusietakoa. Hasieran, hizkuntza bakoitzeko bizpahiru adituk beren kasa itzuli
zituzten zehaztapenak beren hizkuntzara, eta gero aditu haiek elkartu eta beren itzulpenak aztertu zituzten,
erredakzio bateratua erabakitzeko. Itzulpenak autoebaluaziorako lantaldeari igorri zitzaizkion; talde
horretako kideek bazuten itzulpenen kalitatea bederatzi hizkuntzatan aztertzeko hizkuntz gaitasuna.
Itzultzaileekin harremanetan jarri ziren eta erredakzioan egin beharreko aldaketak hitzartu zituzten.
Autoebaluaziorako zehaztapenen kalibrazioa
Orain arte, DIALANG proiektuak autoebaluaziorako zehaztapenen kalibrazio-azterketa bat egin du
(kalibrazioa itemen, zehaztapenen eta abarren zailtasun-maila estatistikaren bidez zehazteko eta horien
arabera eskala bat egiteko prozedura da). Kalibrazioa finlandierazko hainbat DIALANG proba ere egin
zituzten 304 subjekturen lagin batean (proba-diseinu osoa) oinarritu zen. Autoebaluaziorako zehaztapenak
suedieraz (suediera ama-hizkuntza zuten 250 subjekturi) edo ingelesez aurkeztu zitzaizkien.
Gainera, subjektu gehienek zehaztapenen finlandierazko bertsioa kontsultatzeko aukera ere bazuten 2 .
Datuak OPLM programaren bidez aztertu ziren (Verhelst et al. 1985; Verhelst eta Glass 1995) 3 .
Analisiaren emaitzak oso onak izan ziren: zehaztapenen %90etik gora mailaka zitezkeen eskalan (hau
da, erabilitako eredu estatistikoan “egokitu” ziren). Zehaztapenen kalibrazioan oinarrituta eratu ziren
autoebaluaziorako hiru eskalak oso homogeneoak ziren, eta horren erakusgarri zen fidagarritasun-indizea
hain altua izatea (Cronbachen alfa): 0,91 idatzizkoaren ulermenerako, 0,93 ahozkoaren ulermenerako
eta 0,94 idatzizko ekoizpenerako. 4
2 Azterlan hori 1996-1999 bitartean Proiektuaren Koordinazio Zentroa zen Jyväskylä-ko Unibertsitateko Hizkuntza Ikasketa
Aplikatuen Zentroa izan zen egoitzan egin zuen datuen analisirako lantaldeak. Honako kide hauek osatua zen taldea:
Fellyanka Kaftandjeva (burua), Norman Verhelst, Sauli Takala. John de Jong eta Timo Törmakangas. DIALANGen 2. fasearen
koordinazio zentroa Berlingo Freie Universität da.
3 OPLM programa Rasch ereduaren luzapena da, itemei diskriminazioan desberdintzea ahalbidetzen diena. Programa horren
eta bi parametroko ereduaren arteko desberdintasuna hauxe da, diskriminazio-parametroak ez direla kalkulatzen, konstante
ezagun gisa hartzen dira.
4 Datu orokorren ereduaren egokitzapena ere nahiko ona zen (p = 26) zehaztapenak batera kalibratu zirenean. Trebetasunean
oinarritutako kalibratzearen egokitzapen estatistikoa ere ona zen (p=10 idatziaren ulermenerako, 0,84 idatzizko adierazpenerako
eta 0,78 ahozkoaren ulermenerako).