Europako Erreferentzia Markoa - HABE

11 8
harri gaineko idazkuna, egiten oso zaila eta garestia, eta iraunkorra eta aldaezina; eta gutuna, merkea,
erabiltzen eta garraiatzen erraza, baina izugarri hauskorra. Komunikazio elektronikoak ez du emaitza
iraunkorrik sortzen. Bide bat edo bestea erabiliz transmititzen dituen testuak ere desberdinak dira: kasu
batean, testu trinkoa eta kontu handiz konposatua, etorkizuneko belaunaldientzako berebiziko informazioa
gordetzen duena eta leku baten edo gogoratzen diren pertsonaren edo pertsonen gorazarrera
bultzatzen duena; bestean, berriz, presaka idatzitako ohar pertsonal bat, interesekoa baina iragankorra.
Beraz, antzeko anbiguotasuna sortzen da, alde batetik, testu-motaren eta komunikatzeko bidearen artean,
eta, bestetik, testu-motaren eta jardueraren artean. Liburuak, aldizkariak eta egunkariak komunikatzeko
bide edo bitarteko desberdinak dira, izaera fisikoz eta itxuraz. Beren edukiaren nolakotasunaren
eta antolaketaren arabera, testu-mota desberdinak dira. Komunikatzeko bidearen eta testu-motaren
artean lotura estua dago, beraz, eta bata zein bestea betetzen duten funtzioaren araberakoak dira.
Honako bitarteko hauek dira komunikatzeko bideak:
• ahotsa (ahots gora);
• telefonoa, bideofonoa, telekonferentzia;
• megafonia-sistema;
• irrati-igorpenak;
• telebista;
• zinemako filmak;
• ordenagailua (posta elektronikoa, CD-Roma, etab.);
• bideo-zinta, kasetea, bideo digitala (DVD);
• kasete eta disko konpaktua;
• inprenta;
• eskuizkribua;
• etab.
Erreferentzia Markoaren erabiltzaileek gogoan izan beharko dute, eta, hala dagokionean,
zehaztu:
- Zein baliabide erabiltzen jakin beharko duen ikasleak, nola trebatuko den horretarako
edo zer eskatuko zaion horri dagokionez:
· harrerarako;
· ekoizpenerako;
· elkarreraginerako;
· bitartekotzarako.
4.6.2 Testu-motak
4.6.2.1 Ahozko testuak:
• jendaurreko adierazpenak eta argibideak;
• hitzaldiak, diskurtsoak, jendaurreko aurkezpenak eta sermoiak;
• erritualak (ospakizunak, erlijio-ekitaldi formalak);
• ikuskizunak (antzerki-lanak, irakurraldiak, abestiak);
• kiroletako komentarioak (futbola, saskibaloia, txirrindularitza-itzuliak, tenisa, etab.);
• albiste-emanaldiak:
• jendaurreko eztabaidak eta debateak;