Europako Erreferentzia Markoa - HABE

1 0 6
Aurrez aurreko elkarreraginak hainbat baliabide batera erabiltzea eska dezake, jakina: ahozkoak,
idatzizkoak, ikus-entzunezkoak, paralinguistikoak (ikus 4.4.5.2. atala) eta paratestualak (ikus 4.4.5.3.
atala).
Informatikako programetan egiten ari diren aurrerapenei esker, gizakia-makina arteko elkarreraginezko
komunikazioa gero eta garrantzi handiagoa hartzen ari da arlo publikoan, lan-arloan, hezkuntzaarloan
eta baita arlo pertsonalean ere.
Eskala argigarriak ematen dira honako jarduera hauetarako:
• Idatzizko elkarreragina oro har.
• Gutunak idaztea.
• Oharrak, mezuak eta formularioak.
IDATZIZKO ELKARRERAGINA ORO HAR
C2
C1 bezala.
C1
B2
B1
Gai da gauzak argi eta zehatz adierazteko, eta hartzaileari malgutasunez
eta eraginkortasunez egokitzen zaio.
Gai da idatziz berriak kontatzeko eta bere ikusmoldea behar bezala adierazteko,
edo besteen ikusmoldearekin lotzeko.
Gai da gai abstraktuei nahiz konkretuei buruzko informazioa eta ideiak
transmititzeko, informazioa kontrolatzeko, arazo bati buruzko galderak egiteko
edo arazo hori zehaztasunez azaltzeko.
Gai da gutunak eta ohar pertsonalak idazteko, berehalako informazio erraza
eskatuz edo emanez, eta garrantzizko iruditzen zaizkion alderdiak
nabarmenduz.
A2
A1
Gai da berehalako premiei buruzko ohar errazak eta laburrak idazteko.
Gai da xehetasun pertsonalei buruzko idatzizko informazioa eskatzeko eta
emateko.
GUTUNAK IDAZTEA
C2
C1 bezala.
C1
B2
Gai da gutun pertsonaletan gauzak argi eta zehatz adierazteko, eta hizkuntza
malgua eta eraginkorra erabiltzeko, baita emozioak adierazi, jendeari
eta gauzei buruz jardun eta umorea erabili behar duenean ere.
Gai da gutunetan nolabaiteko emozioa transmititzeko eta gertaerek eta
esperientziek beretzat duten garrantzia nabarmentzeko, eta gai da gutuntrukea
duen pertsonekin albisteez eta ikuspegiez hitz egiteko.