Europako Erreferentzia Markoa - HABE

6 2
tasunean har dezake, edo sektore edo erakunde jakin bati dagozkion gaitasunen saila soilik. B2 mailan
sailkatuta egotea lorpen izugarria izan daiteke ikasle batentzat, bi hilabete lehenago B1 mailan ari zen
norbaitentzat, baina erdipurdiko lorpena izan daiteke, aldiz, bi urte lehenago B2 mailan ari zen beste
norbaitentzat.
Helburu jakin bat maila jakin bati egoki dakioke. 7. irudian, “Y” azterketak gaitasunen eskalako 4.
eta 5. mailek adierazten duten hizkuntz gaitasunaren tartea hartzen du kontuan. Beste maila batzuetarako
beste azterketa batzuk egon daitezke, eta gaitasunen eskalaren bidez ikus daiteke horien artean
zer-nolako lotura dagoen. Hori da ESUk (English-speaking Union) ingelesa atzerriko hizkuntza dutenentzat
prestatutako azterketaren oinarrian dagoen asmoa, baita Europako hainbat hizkuntzatako azterketak
konparatzeko ALTEren eskemaren oinarrian dagoen asmoa ere.
Hizkuntz gaitasunen
eskala
9
8
7
6 “Y” azterketaren emaitzak
5 5 Bikain
“Y” azterketa 4 Oso ongi
4 3 Gainditua
2 Ez gainditua
3 1
2
1
7. irudia
“Y” azterketan lortutako emaitza maila-eskala baten arabera neur daiteke; adibidez, 1etik 5era, “3”
gainditutzat emanda. Era horretako maila-eskala erabil daiteke, zuzenean, era subjektiboan kalifikatutako
azterketako hizkuntz jarduera ebaluatzeko –normalean idatzizko ekoizpenerako eta ahozko ekoizpenerako–,
edota azterketako emaitzen berri emateko. “Y” azterketa “X”, “Y”, eta “Z” azterketa-multzoaren
osagai izan daiteke. Baina garbi dago “X” azterketako 4ko kalifikazioak ez duela “Y” azterketako
4koak dioen gauza bera esan nahi, hizkuntz gaitasunari dagokionez.
Bestalde, “X”, “Y” eta “Z” azterketak hizkuntz gaitasunaren eskala bateratu batean kokatu badira,
litekeena da, orduan, denbora batean, azterketa baten emaitzak beste azterketetako emaitzekin lotzea.
Adituen iritziak bilduz, zehazpenak aztertuz, lagin ofizialak alderatuz eta azterketarien emaitzak sailkatuz
lor daiteke hori.