Europako Erreferentzia Markoa - HABE

2 4 0
Metodologia
Labur-labur, egitasmoaren metodologiak fase hauek izan zituen:
Fase intuitiboa
1. Arlo publikoko edo 1993an Europako Kontseiluarekin izandako harremanen bidez lortutako
gaitasun-eskalen analisi zehatza; laburpen honen amaieran zerrenda bat dago.
2. Eskala horiek 4. eta 5. kapituluetan aurkeztutakoen araberako kategoria deskribatzaileetan deskonposatzea,
deskribatzaile idatzien eta egokituen bilduma sortzeko.
Fase kualitatiboa
3. Irakasleen bideo-grabazioen kategoria-azterketa egin zen, hizkuntz gaitasunaren konparazioak
eta balorazioak egiten ari ziren bitartean grabatutako bideo lanetan oinarrituta, irakasleek
metahizkuntza behar bezala erabiltzen zuten ziurtatzeko helburuarekin.
4. Hogeita hamabi irakasle lantaldeekin. Lantalde horietan irakasleek:
a) deskribatzaileak deskribatu nahi zituzten kategorietan sailkatu zituzten;
b) epai kuantitatiboak egin zituzten argitasunari, zuzentasunari eta deskribapenaren egokitasunari
buruz;
c) deskribatzaileak gaitasun-mailen arabera sailkatu zituzten.
Fase kuantitatiboa
5. Lantaldeetako irakasleen iritzian deskribatzaile argien, egokien eta esanguratsuen direnez osatutako
galdetegiak erabiliz, irakasleek ebaluazioa egin zieten ikastaroaren amaieran ikasle ohikoei.
Lehenengo urtean zazpi galdetegiko saila erabili zen, horietako bakoitza berrogeita hamar
deskribatzailez osatua, laurogei ingeles-ordu egindako ikasleengandik hasi eta hiztun aurreratuenetarainoko
tarteko hizkuntz gaitasuna neurtzeko.
6. Bigarren urtean bost galdetegiko saila erabili zen. Bigarren urtean lehen urteko deskribatzaile
berak erabili ziren ahozko elkarreraginerako, eta hori izan zen bi ikerketen arteko lotura.
Ikasleak deskribatzaile bakoitzaren arabera ebaluatu ziren, 0-4 bitarteko eskala bati jarraituz;
eskala horrek ikasleek bertan deskribatzen zen moduan jarduteko ustez beharko lituzketen jarduera-baldintzak
adierazten zituen. Irakasleek deskribatzaileak nola interpretatu zituzten aztertzeko,
Raschen ereduaren puntuazio-eskala erabili zen. Analisi horrek bi helburu zituen:
a) Deskribatzaile bakoitzari “zailtasun-balio” bat matematikoki egokitzea.
b) Estatistikaren bidez identifikatzea eskola-sektoreen, hizkuntz eskualdeen eta xede hizkuntzen
arabera deskribatzaileak interpretatzeko moduan gertatzen diren aldaketa esanguratsuak,
hainbat testuingurutan oso balio sendoak dituzten deskribatzaileak identifikatzeko,
deskribatzaile sendo horiek erreferentzia maila bateratuak biltzen dituzten eskala holistikoak
sortzeko erabiltzearren gero.
7. Irakasle guztiek ebaluatu zituzten ikerketan parte hartu zuten ikasle batzuen hizkuntz saioak,
bideoan grabatutakoak. Parte hartzen ari ziren irakasleen zorroztasunaren gorabeherak neurtzea
zen ebaluazio horren helburua, horiek kontuan har zitezen Suitzako hezkuntzako sektoreetan
lorpen-maila identifikatzeko garaian.
Interpretazio-fasea
8. Deskribatzaileen eskalan “ebaketa-puntuak” zehaztea, 3. kapituluan aurkeztutako Erreferentzia
maila bateratuak sortzeko. Maila horiek eskala holistiko batean biltzen dituen laburpena (1.
koadroa), hizkuntz jarduerak deskribatzen dituen autoebaluaziorako zerrenda (2. koadroa),
eta komunikazio-gaitasunaren alderdiak deskribatzen dituen hizkuntz jardueren ebaluazio
zerrenda (3.koadroa).