Europako Erreferentzia Markoa - HABE

1 7 0
Erreferentzia Markoaren erabiltzaileek gogoan izan beharko dute, eta, hala dagokionean,
zehaztu:
• Zein diren irakasleei eta ikasleei, hurrenez hurren, dagozkien zereginak eta ardurak,
hizkuntzen ikaskuntza-prozesuaren antolaketan, kontrolean, gidaritzan eta ebaluazioan.
• Nola erabiltzen diren irakaskuntza-bitartekoak.
6.4.3 Testuen zeregina hizkuntzen ikaskuntzan eta irakaskuntzan
Zer zeregin bete behar dute testuek hizkuntzen ikaskuntzan eta irakaskuntzan
• Nola espero da edo eskatzen zaie ikasleei ahozko edo idatzizko testuetatik ikastea (ikus 4.6.
atala)
a) azalpen hutsa eginez;
b) azalpen hutsa eginez, baina material berria ulertzen dutela bermatuz betiere, ahozko testuinguruaren
inferentziaren bidez, ikusizko laguntzaren bidez, etab.
c) azalpenaren bidez, ulermenaren jarraipena eginez eta ulertzen dutela bermatuz, H2ko galdeerantzunezko
jardueren, aukera anitzeko jardueren, lotura egiteko jardueren eta abarren
bidez;
d) c)n bezala, baina honako jarduera hauetako batekin edo gehiagorekin:
– H1eko ulermenezko probekin;
– H1eko azalpenekin;
– H2ko azalpenekin (beharrezko itzulpenak ad hoc sartuta);
– ikasleak testua H1era sistematikoki itzuliz;
– ahozko ulermenaren aurretiko jarduerak eginez, eta, hala dagokionean, taldeko ahozko
ulermenezko jarduerak eginez, idatzizko ulermenaren aurretiko jarduerak eginez, etab.
• Zenbateraino izan behar dute ikasleei aurkezten zaizkien idatzizko edo ahozko testuek:
a) “benetakoak”, hots, hizkuntza irakasteko asmorik gabe eta komunikazio-helburuak betetzeko
sortuak, adibidez:
– benetako testu ez manipulatuak, ikasleak erabiltzen ari den hizkuntzarekiko zuzeneko
esperientzian aurkitzen dituenak (egunkariak, aldizkariak, irratsaioak, etab.);
– benetako testuak, zailtasunaren arabera hautatu eta sailkatuak, ikaslearen esperientziaren,
ezaugarrien eta interesen arabera, edo neurri batean egokituak edo manipulatuak.
b) hizkuntzaren irakaskuntzan erabiltzeko bereziki sortutako testuak; adibidez:
– aurreko puntuan aipatzen ziren benetako testuen antzeko testuak, berariaz sortuak (adibidez,
ahozko ulermena lantzeko berariaz sortutako materialak, antzezleek grabatutakoak);
– irakatsiko den eduki linguistikoaren testuinguruan kokatutako adibideak emateko testuak
(adibidez, ikastaroaren unitate jakin batean);
– ariketak (ariketa fonetikoak, gramatikalak, etab.) egiteko esaldi bakartuak;
– testu-liburuetako jarraibideak eta azalpenak, probetako eta azterketetako epigrafeak,
ikasgelan irakasleek erabiltzen duten hizkuntza (jarraibideak, azalpenak, ikasgelaren
kontrola, etab.).
Testu-mota berezitzat har daitezke horiek. Erabiltzen errazak al dira ikasleentzat Zer esan daiteke
haien edukiari buruz, formulazioari buruz eta aurkezpenari buruz, hala direla egiaztatzeko