Europako Erreferentzia Markoa - HABE

9 2
4.4.2.2 Irakurrizko jarduera hartzaileak
Irakurrizko jarduera hartzaileetan (irakurriaren ulermen-jardueretan) hizkuntzaren erabiltzaileak,
irakurle moduan, egile batek edo gehiagok sortutako idatzizko testuak hartu eta prozesatuko ditu.
Hona hemen irakurrizko jardueren zenbait adibide:
• orientazio orokorrez jabetzeko irakurtzea;
• informazioa eskuratzeko irakurtzea, adibidez, kontsulta-obrak erabiltzea;
• jarraibideak betetzeko irakurtzea;
• plazer soilagatik irakurtzea, etab.
Hizkuntzaren erabiltzaileak honako helburu hauek izan ditzake irakurtzerakoan:
• ideia orokorraz jabetzea;
• informazio espezifikoa eskuratzea;
• idatzitakoa zehatz ulertzea;
• inplikazioez ohartzea, etab.
Honako jarduera hauetarako eskala argigarriak ematen dira:
• Irakurmen orokorra.
• Gutunak irakurtzea.
• Orientatzeko irakurtzea.
• Informazioa eta argudioak bilatzeko irakurtzea.
• Argibideak irakurtzea.
IRAKURMEN OROKORRA
C2
C1
B2
B1
A2
Gai da idatzizko hizkuntz era guztiak ulertzeko eta era kritikoan interpretatzeko,
baita testu abstraktuak eta egitura konplexukoak, eta lagunarteko esamolde asko
dituztenak ere (literarioak nahiz bestelakoak).
Gai da testu luze eta konplexu ugari ulertzeko eta estilo desberdinen ñabardurez
eta esanahi inplizituaz nahiz esplizituaz jabetzeko.
Gai da bere espezialitateko eta bestelako testu luze eta konplexuak erabateko
xehetasunez ulertzeko, baldin eta atal zailenak berriro irakurtzeko aukera badu.
Gai da estiloa eta lastertasuna testu-motaren eta helburuen arabera aldatuz eta
erreferentzia-iturriak era selektiboan erabiliz irakurtzeko. Irakurketako hiztegi zabala
du, baina zailtasunak izan ditzake ez ohiko esapideekin.
Gai da bere espezialitatearekin zerikusia duten gaiei buruzko testu errazak irakurtzeko,
ulermen-maila onarekin.
Gai da eguneroko edo laneko hizkuntzan idatzitako gai arruntei buruzko testu laburrak
eta errazak ulertzeko.
Gai da oso hiztegi arrunta eta nazioarteko hiztegi komuneko hainbat termino dituz -
ten testu laburrak eta errazak ulertzeko.
A1
Gai da oso testu laburrak eta errazak ulertzeko, esaldiz esaldi irakurriz, izen, hitz
eta oinarrizko esaldi arruntak ulertuz eta berriz irakurriz, hala behar duenean.