Europako Erreferentzia Markoa - HABE

kuntzan duen benetako aprobetxamendua deskribatzeko eta, beraz, helburu errealistak adierazteko
baliagarriak izan daitezke.
• Eskala bateratu batean era objektiboan neurtu dira (salbuespen nabarmenak salbuespen).
Horrek esan nahi du eskalako deskribatzaile gehienen kokalekua ez dela autoreen iritzietan
oinarrituta soilik zehaztu, ikasleen aprobetxamendua neurtzeko interpretatu diren moduan
oinarrituta baizik.
• Irizpideen zehaztapen-sail bat ematen du atzerriko hizkuntzen gaitasunaren continuum delakoari
dagokionez, irizpide jakin baten ebaluazioa egiteko malgutasunez erabil daitekeena, eta
lekuan lekuko sistemekin, lekuan lekuko esperientzian oinarritutako sistemekin, aldera daiteke,
eta helburu-sail berriak lantzeko erabili.
5 1
Deskribatzaile-multzoa, osotasun gisa, ez da zehatza, eta testuinguru jakin batean bakarrik mailakatu
da (testuinguru eleanitz eta sektoreanitz batean), atzerriko hizkuntzen ikaskuntzaren testuinguruan,
hain zuzen ere, baina honako ezaugarri hauek ditu:
• Malgutasuna: deskribatzaile-multzo bera “hitzarmenezko maila” zabalen arabera antola daiteke
–hemen bezala–, Rüschlikoneko Sinposioan zehaztutako mailetan oinarrituta; maila horiek erabili
dituzte Europar Batzordeak, DIALANG proiektuan (ikus C eranskina), eta A LT E
(Association of Language Testers in Europe) (Ikus D eranskina) elkarteak. “Maila pedagogiko”
mugatuago gisa ere aurkez daitezke.
• Koherentzia: Edukiaren ikuspuntutik. Deskribatzaile desberdinetan sartu diren antzeko osagaiek,
edo osagai berdin-berdinek, antzeko eskala-balioa dutela ikusi da. Eskala-balio horiek erakusten
dute, hein handi batean, zein iturritatik abiatu diren hizkuntz gaitasunen mailaketaren egileak.
Dirudienez, harreman koherentea dute, orobat, Europar Kontseiluaren zehaztapenen edukiekin,
eta baita DIALANG eta ALTE proiektuek proposatutako mailekin ere.
3.5 Ikuspegi adarkatuaren malgutasuna
A1 maila (Breakthrough) hizkuntz sortzailearen gaitasunean identifika daitekeen behereneko maila
izango da segur aski. Maila hori iritsi aurretik, nolanahi ere, ikasleak ataza espezifiko batzuk eraginkortasunez
gauzatu ahal izango ditu, hizkuntz maila mugatua izan arren: ataza horiek garrantzi handikoak
dira ikaslearen premientzat. Suitzako Ikerketa Zientifikoen Kontseilu Nazionalaren 1994-95eko
azterketak deskribatzaile argigarriak landu eta mailakatu zituen, eta hizkuntzaren erabileraren zerrenda
bat identifikatu zuen, ataza bakartuak gauzatzeari dagokiona, A1 mailaren definizioan bilduak leudekeenak.
Testuinguru batzuetan, ikasle gazteekin adibidez, egokia izan daiteke “mugarri” moduko bat
eratzea. Ondoren agertzen diren deskribatzaileek A1 mailaz beheragoko mailan sailkatzen diren ataza
orokorrei, ataza sinpleei dagozkie, baina helburu baliagarriak izan daitezke hasten ari direnentzat:
• erosketa errazak egin ditzake, ahozko erreferentziaren lagungarri gisa gauzak seinalatuz edo keinuak
erabiliz;
• eguna, eguneko partea eta data galdetu eta esan ditzake;
• oinarrizko agurrak erabil ditzake;
• bai, ez, mesedez, eskerrik asko eta barkatu esan dezake;
• formulario soilak bete ditzake, datu pertsonalak, izena, helbidea, naziotasuna, egoera zibila adieraziz;
• postal labur eta bakunak idatz ditzake.
Goian aurkeztutako deskribatzaileak turistaren eguneroko bizitzako atazak dira. Eskolako ikaskuntzaren
testuingururako, “ataza pedagogikoen” zerrenda osagarri edo desberdin bat asma daiteke, hizkuntzaren
alderdi ludikoak ere hartuz, batez ere Lehen Hezkuntzako eskoletan.