Europako Erreferentzia Markoa - HABE

2 6 8
ulerterrazak ematen baitituzte, erraz erabil daitezkeenak hizkuntz irakasleen baldintza espezifikoak
zehazteko, lanpostuen ezaugarriak deskribatzeko eta lanpostu berrien hizkuntz eskakizunak definitzeko.
ALTEren zehaztapenak eleanitzak dira
ALTEren “Gai da” zehaztapenen garrantzi handiko ezaugarria da eleanitzak izatea. Izan ere, dagoeneko
ALTEn ordezkaritza duten hamabi hizkuntzatara itzulita daude: alemana, katalana, daniera, gaztelania,
finlandiera, frantsesa, nederlandera, ingelesa, italiera, norvegiera, portugesa eta suediera.
Hizkuntzaren gaitasun-mailen deskribapenak izanik, zein hizkuntza ebaluatzen den alde batera utzita,
maila desberdinetako hizkuntz azterketa desberdinak elkarri lotzeko Erreferentzia Marko bat eskaintzen
dute. Aukera ematen dute ALTEko partaideen azterketa-sistemen arteko baliokidetasunak egiaztatzeko,
azterketa horiek gainditzen dituzten ikasleek eguneroko bizitzan beharko dituzten hizkuntz
trebetasunei dagokienez.
“Gai da” zehaztapenen antolamendua
“Gai da” proiektuaren barruan, laurehun bat zehaztapen daude, gaur egun, hiru arlo nagusitan antolatuta:
Turistikoa eta soziala, Lana eta Ikasketak. Horiek dira hizkuntz ikasleei gehien interesatzen zaizkien
arloak. Horietako bakoitzak beste arlo batzuk hartzen ditu, arlo zehatzagoak. Arlo sozial eta turistikoan,
esaterako, beste sail hauek sartzen dira: Dendan, Jatetxean, Ostatuan, etab. Egoera horietako
bakoitzak hiru eskala ditu, entzumena/mintzamena, irakurmena eta idazmena. Entzumenean eta min -
tzamenean elkarreraginarekin lotutako eskalak konbinatzen dira. Eskala bakoitzean maila jakin batzuei
dagozkien zehaztapenak sartzen dira. Eskala batzuek hizkuntz gaitasunaren zati bat besterik ez dute hartzen,
egoera askotan aski izaten baita oinarrizko hizkuntz gaitasuna komunikazioan arrakasta izateko.
Prestakuntza-prozesua
Hasierako prestakuntza-prozesuan urrats hauek egin ziren:
a) ALTEren azterketen erabiltzaileen deskribapena, galdeketak eginez, eskoletako txostenen
bidez eta abarren bidez.
b) Informazio horrekin ikasleen beharrak eta interesgune nagusiak zehaztea.
c) Nazioartean onartutako azterketen eta mailen zehaztapenak erabiltzea, adibidez oinarrizko
maila eta atalase-maila, zehaztapenak zedarritzeko.
d) Zehaztapenei buruzko eztabaida egitea eta aztergaientzat egoki diren neurtzea.
e) Zehaztapenak irakasleekin eta ikasleekin esperimentatzea, egokitasuna eta gardentasuna
neurtzeko.
f) Zehaztapenen formulazioa zuzentzea, berrikustea eta sinplifikatzea, aurreko urratsen arabera.
ALTEren “Gai da” zehaztapenen balioztatze enpirikoa
Horrela landutako eskalak enpirikoki balioztatzeko prozesua luzea izan da. Balioztatze-prozesu horren
helburua da “Gai da” zehaztapenak neurketa-tresna bihurtzea, mailen deskribapen multzo subjektibo
bat izan ordez. Prozesu jarraitua da, luzera begirakoa, eta ALTEn ordezkatuta dauden hizkuntzetatik
jasotzen diren datuekin osatuko da.
Orain arte, datu-bilketa interesdunek berek egindako txostenetan oinarritu da. “Gai da” zehaztapenen
eskalak jasotzeko eskaria egiten zutenei, galdeketa-multzo bat ere helarazten zitzaien. Ia hamar