Europako Erreferentzia Markoa - HABE
Europako Erreferentzia Markoa - HABE
Europako Erreferentzia Markoa - HABE
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
1 6 6<br />
eskatzen den mailarako ikaskuntzaren zein parametro diren esanguratsuak. Erabaki jakinak hartu<br />
beharko dituzte hainbat alderdiri buruz, adibidez: zein ataza eta jarduera sartuko dituzten, zein gai<br />
jorratuko dituzten, azterketariei zein formula, lokuzio eta elementu lexiko ezagutzea eta gogoratzea<br />
eskatuko dieten, zein ezagutza eta trebetasun soziokultural aztertuko duten, etab. Litekeena da arretarik<br />
eman behar ez izatea aztertzen ari diren hizkuntza ikasteko edo bereganatzeko prozesuei, ebaluazio-metodoaren<br />
beraren prozedurek hizkuntzaren ikaskuntzan eragin positiboak edo negatiboak izango<br />
dituen kontuan hartzeko ez bada.<br />
6.3.2 Hezkuntza-arloko agintariak<br />
Hezkuntza-arloko agintariek kurrikuluaren orientazioak prestatzen dituztenean edo hezkuntzako programak<br />
egiten dituztenean, ikaskuntzaren helburuak zehaztuko dituzte. Hori egitean, goi-mailako helburuak<br />
bakarrik zehaztu ahal izango dituzte, atazen, gaien, gaitasunen eta abarren araberakoak.<br />
Litekeena da ikasleei atazak egiteko eta gaiak lantzeko aukera emango dieten hiztegia, gramatika eta<br />
errepertorio funtzionalak edo nozionalak zeintzuk diren zehazki espezifikatu nahi izatea, baina ez<br />
daude horretara beharturik. Behartuta egon ez arren, dena dela, gerta daiteke ikasgelan erabiltzeko<br />
metodoei buruz eta ikasleen garapenaren etapei buruz orientazioak edo iradokizunak eman nahi izatea.<br />
6.3.3 Gidaliburuen egileak eta ikastaroak diseinatzeko ardura dutenak<br />
Testu-liburuen egileek eta ikastaroak diseinatzeko ardura dutenek ez dute zertan zehaztu ikasleei<br />
egiten irakatsi nahi dieten atazen eta ikasleek garatu beharko dituzten estrategien araberako helburuak,<br />
nahiz eta hori egitea interesgarria iruditu. Behartuta daude, hori bai, ikasleei aurkeztuko zaien testuen,<br />
jardueren, hiztegiaren eta gramatikaren hautaketari eta ordenari buruzko erabaki zehatzak eta xeheak<br />
hartzera. Haien zeregina da jarraibide xeheak ematea atazei, ikasgelako jarduerei eta ikasleek materiala<br />
oinarri hartuta egin beharreko bana-banako ariketei buruz. Profesional hauen ekarpenak eragin handia<br />
du ikaskuntzaren edo irakaskuntzaren bilakaeran, eta ikaskuntza-prozesuaren izaerari buruzko<br />
oinarri sendoetan (sarritan aztertzen direnak, esplizituki adierazten ez diren arren, eta inkontzienteak<br />
izan daitezkeenak) bermatutako ekarpenak behar dute izan.<br />
6.3.4 Irakasleak<br />
Irakasleei eskatzen zaiena orientazio ofizialei jarraitzea da, eta gidaliburu eta material didaktikoak<br />
erabiltzea (haiek aztertu, neurtu, hautatu eta praktikan jartzeko ardura izan edo ez). Era berean, probak<br />
prestatzeko eta egiteko, eta ikasleak ziurtagirietarako prestatzeko eskatzen zaie. Irakasleek ikasgelako<br />
jarduerei buruzko erabakiak hartu behar dituzte, etengabe; jarduerak aldez aurretik presta ditzakete,<br />
zirriborro moduan, baina malgutasunez erabili beharko dituzte, gero, ikasleen erantzunaren arabera.<br />
Horrez gain, ikasleen garapenaren jarraipena egin behar dute, eta modua aurkitu behar dute ikasleek<br />
ikaskuntzako arazoak ezagut, azter eta gaindi ditzaten eta ikasterakoan beren ahalmenak gara ditzaten.<br />
Ezinbestekoa da ikasleak ikaskuntza-prozesuen aniztasunaz jabetzea, esperientziaren emaitza inkontziente<br />
gisa bada ere, gogoeta teorikoaren ondorio gisa baino gehiago; gogoeta teorikoa hezkuntzaarloko<br />
ikertzaileek eta irakasleak prestatzen dihardutenek ikaskuntzaren esparruari egin beharreko<br />
ekarpena baita, berez.<br />
6.3.5 Ikasleak<br />
Ikasleak dira, jakina, hizkuntza bereganatzeko eta ikasteko prozesuan zuzenen inplikatuta dauden