Europako Erreferentzia Markoa - HABE

– elkarlan-printzipioa (Grice-ren solas-arauak, 1975): “jardun eskatzen zaizun bezala, gertatzen
den faseari dagokion moduan, egiten ari zaren hitzezko trukearentzat onartutako xedearen
eta eraren arabera, honako printzipio hauei jarraituz:
• kalitatea (saia zaitez benetako elkarlana egiten);
• kantitatea (elkarlanak ahalik eta informazio gehien eman dezala, baina ez gehiago);
• garrantzia (ez esan garrantzirik ez duena);
• modalitatea (izan zaitez laburra eta zehatza; saihestu iluntasuna eta anbiguotasuna”.
Komunikazio erraza eta eraginkorra lortzeko irizpide horietatik aldentzekotan, xede jakin baten
ondoriozkoa izan beharko luke aldentze horrek, eta ez irizpide horiek betetzeko ahalmenik ezaren
ondoriozkoa.
• Testua antolatzeko ahalmena; testuaren plana
Komunitate jakin batek informazioa antolatzeko dituen arauak ezagutzea, honako alderdi hauei
dagokienez:
– nola antolatzen den informazioa, makrofuntzio bakoitza (deskribapena, kontaketa, azalpena,
etab.) gauzatzeko.
– nola kontatzen diren gauzak, gertaerak, txisteak, etab.
– nola garatzen den argudio bat (epaitegian, eztabaidetan, etab.).
– nola prestatzen, antolatzen eta ordenatzen diren idatzizko testuak (idazlanak, gutun formalak,
etab.).
Ama-hizkuntzako hezkuntzan garrantzi handia ematen zaio gazteen diskurtso-trebetasunak lantzeari.
Atzerriko hizkuntza ikastean, litekeena da ikasleak hitza txanda laburretan hartzea eta horietan
esaldi bakarra esatea. Maila aurreratuagoetan, gero eta garrantzi gehiago hartzen du diskurtso-gaitasuna
lantzeak. Atal honetan agertzen dira gaitasun horrek biltzen dituen osagaiak.
Diskurtso-gaitasunaren honako alderdi hauetarako eskala argigarriak daude:
– Malgutasuna (egoeraren arabera).
– Hitz egiteko txanda (elkarreraginezko estrategien atalean ere aurkeztua).
– Gaiaren garapena.
– Koherentzia eta kohesioa.
1 4 9
MALGUTASUNA (EGOERAREN ARABERA)
C2
C1
B2
Malgutasun handiz adieraz ditzake beste era batera ideia berak elementu linguistiko
desberdinekin, gauzak nabarmentzeko, egoeraren, solaskidearen eta abarren
araberako bereizketa egiteko, eta anbiguotasuna saihesteko.
B2 + bezala.
Gai da esaten duena eta hori adierazteko baliabideak egoerari eta hartzaileari egokitzeko
eta egoera bakoitzari dagokion formalitate-maila erabiltzeko.
Gai da elkarrizketan gertatu ohi diren norabidearen, estiloaren eta enfasiaren aldaketetara
egokitzeko.
Gai da esan nahi duenaren formulazioa aldatzeko.
B1
Gai da bere espresioa egokitzeko, egoera ez hain arruntei eta are egoera zailei
aurre egitearren.