Europako Erreferentzia Markoa - HABE

Échelle de compétence langagière des Eurocentres, 1993: Compréhension de l’oral – Niveau 2.
5 9
Baina mugak ere adieraz ditzakete:
“Ataza eta egoera bakun eta arruntetan komunikatzeko gai da. Idatzizko mezu bakunak uler ditzake,
hiztegiaren laguntzaz. Hiztegirik gabe, ideia orokorra uler dezake. Hizkuntz gaitasun mugatua
izateak komunikazioa etenarazten eta gaizki ulertuak sortzen ditu egoera ez ohikoetan.”
Échelle de compétence langagière sur neuf niveaux, Finlande, 1993 - Niveau 2.
Erabiltzailearengan oinarritutako eskalak orokorrak dira, eta mailako deskribatzaile bana ematen
dute. Finlandiako erreferentzi eskala halakoa da. 1. koadroak ere –Erreferentzia maila orokorren sarrera
moduan kapitulu honetan agertzen dena– maila bakoitzeko gaitasun-mota baten laburpen orokorra
eskaintzen dio erabiltzaileari. Erabiltzailearengan oinarritutako eskalek lau trebetasunak erakuts ditzakete,
gorago Eurocentresen eskalan adierazi den moduan, baina bakuntasuna da era honetako eskalen
ezaugarri nagusia.
b. Aztertzailearengan oinarritutako eskalek balorazio-prozesua gidatzen dute, eta bertako deskribatzaileek
espero den jarduera-kalitatearen alderdiez dihardute oro har. Jarduera jakin baten gaitasunaren
ebaluazio metatua egiten da. Era honetako eskalek ikaslearen jardueraren kalitateari ematen
diote garrantzia, eta era negatiboan formulatuak izan ohi dira, goreneko mailetan ere, formulazioak
azterketa batean gainditu beharreko nota lortzeko eskatzen den arauari erreferentzia egiten dionean
bereziki.
“Koherentziarik gabeko diskurtsoak eta zalantzek sarritan komunikazioa eragozten dute, eta
ahalegin berezia eskatzen diote entzuleari.”
Certificate in Advanced English 1991 (University of Cambridge Local Examination Syndicate),
Paper 5 (Oral)
Criteria for Assessment: Fluency: Band 1-2 (bottom of 4 bands).
Formulazio negatiboak, nolanahi ere, ekidin daitezke, hein handi batean, baldin eta garapen kualitatiboaren
ikuspegiari jarraitzen bazaio, eta informatzaileek jarduera egokien adibideak analizatzen eta
deskribatzen badituzte.
Aztertzailearengan oinarritutako eskala batzuk holistikoak dira, hots, mailako deskribatzaile bana
ematen dute. Beste batzuk, bestalde, analitikoak dira, jardueraren alderdi askori erreparatzen diotenak,
adibidez Mailari, Egokitasunari, Jariotasunari, Ahoskerari erreparatzen diotenak. 3. koadroa, kapitulu
honetan lehenago azaldu dena, era positiboan formulatutako aztertzailearengan oinarritutako eskalaren
adibide bat da, Erreferentzia Marko Bateratuko deskribatzaileez osatua.
Beste eskala analitiko batzuek kategoria asko izaten dituzte, helburuak argiago zehazteko. Ikuspegi
horiei leporatu izan zaie ebaluaziorako hain egokiak ez izatea, ebaluatzaileek zail izango baitute 3-5
kategoria baino gehiago aintzat hartzea. 3. koadroko eskala analitikoak diagnosian oinarritutako
eskalatzat har daitezke, unean uneko egoera, kategoria nagusietan helburuetan dauden premiak eta
maila horretara iristeko bete beharrekoaren diagnosia eskaintzea baita haien helburuetako bat.
c. Ebaluazioaren diseinatzailearengan oinarritutako eskalak dagokion mailetarako testak eraikitzeko
prozesua gidatzen du. Enuntziatuak testetan ikasleari eskatzen zaizkion jardueren araberako
komunikazio-ataza espezifiko gisa agertzen dira. Era honetako eskala edo zehaztapen zerrendak ikasleak
egin dezakeenean ere oinarritzen dira.