Europako Erreferentzia Markoa - HABE

8 3
A2
Gai da eguneroko bizitzako gai garrantzizkoei buruzko azalpen laburrak eta aurrez
prestatuak egiteko, eta baita iritziak, planak eta jarduerak labur-labur arrazoitzeko
eta azaltzeko ere.
Gai da galdera batzuei erantzuteko, bat-batean eta erraz erantzutekoak badira.
Gai da eguneroko bizitzako gaiei buruzko azalpen laburrak, oinarrizkoak eta aurrez
prestatuak egiteko.
Gai da galdera errazei erantzuteko, baldin eta errepikatzen badizkiote eta erantzuna
formulatzen laguntzen badiote.
A1
Gai da agiri labur eta aurrez prestatuak irakurtzeko; adibidez, hizlari bat aurkezteko
edo topa egitea proposatzeko.
Oharra: azpi-eskala honetako deskribatzaileak beste eskala batzuetako deskribatzaileen
elementuak konbinatuz sortu dira.
Erreferentzia Markoaren erabiltzaileek gogoan izan beharko dute, eta, hala dagokionean,
zehaztu:
• Zer eratako ahozko ekoizpen-jarduerak (hizketa) ikasi beharko dituen ikasleak, nola
trebatuko den horretarako eta zer eskatuko zaion horri dagokionez.
4.4.1.2 Idatzizko ekoizpen-jarduerak
Idatzizko ekoizpen-jardueran (idazketan), irakurle batek edo gehiagok irakurriko duten testu idatzi
bat sortzen du hizkuntzaren erabiltzaileak, hau da, testuaren egile gisa dihardu.
Hona hemen idatzizko ekoizpen-jardueren zenbait adibide:
• formularioak eta galdeketak betetzea;
• aldizkari, egunkari, informazio-buletin eta abarretarako artikuluak idaztea;
• erakusketarako kartelak sortzea;
• txostenak, memoriak, etab. idaztea;
• oharrak idaztea, gero erreferentzia moduan erabiltzeko;
• mezuak diktatu ahala idaztea, etab.;
• sormenezko testuak idaztea;
• gutun pertsonalak edo negozioetakoak idaztea, etab.
Honako jarduera hauetarako eskala argigarriak ematen dira:
• Idatzizko adierazpena, oro har.
• Sormenezko idazketa.
• Txostenak eta idazlanak.
IDATZIZKO ADIERAZPEN OROKORRA
C2
Gai da testu konplexuak argi eta jariotasunez idazteko, estilo egokia erabiliz eta
eraginkortasunez, eta irakurleari ideia nagusiak aurkitzen laguntzen dion egitura
logiko bati jarraituz.