Europako Erreferentzia Markoa - HABE

f) esaldiak ama-hizkuntzatik bigarren hizkuntzara itzuli;
g) galde-erantzunezko ariketak, egitura jakin batzuk erabiliz;
h) jariotasunezko ariketak, alderdi gramatikalei arreta emanez.
1 7 7
Erreferentzia Markoaren erabiltzaileek gogoan hartu beharko dute eta, hala dagokionean,
zehaztu:
• Nola a) aztertzen eta ordenatzen den egitura gramatikala, eta nola aurkezten zaien
ikasleei, eta b) nola helduko diren hori menderatzera.
• Nola eta zein irizpideren arabera helarazten zaien ikasleei esanahi lexikala, gramatikala
eta pragmatikoa H2n, eta nola eskatzen zaien hori ikastea, adibidez:
– H1etik H2ra itzulpenak eginez, eta alderantziz;
– H2n definizioak eginez, azalpenak aurkeztuz, eta abar;
– esanahia testuingurutik inferituz.
6.4.7.3 Ahoskera
Nola espero da ikasleak edo nola eskatzen zaio ikasleari hizkuntza bat ahoskatzeko ahalmena garatzea
a) ahozko benetako enuntziatuen bidez, besterik gabe;
b) besteak imitatuz:
– irakasleak
– ama-hizkuntzan diharduten hiztunen grabazioak
– ama-hizkuntzan diharduten hiztunen bideoak
c) hizkuntz laborategian bere kasa lan eginez;
d) fonetikaren aldetik adierazgarriak diren testuak ozen ahoskatuz;
e) ahozkotasuna landuz eta ariketa fonetikoak eginez;
f) d)n eta e)n bezala, baina fonetikoki transkribatutako testuak erabiliz;
g) ariketa fonetiko esplizituen bitartez (ikus 5.2.1.4 atala);
h) arau ortoepikoa ikasiz (hau da, forma idatziak nola ahoskatu ikasiz);
i) goian aipatutako zenbait ariketa konbinatuz.
6.4.7.4 Ortografia
Nola espero da ikasleak edo nola eskatzen zaio ikasleari hizkuntza baten idazketa-sistema menderatzeko
ahalmena garatzea
a) H1etik transferentziak eginez, besterik gabe;
b) idatzizko benetako testuak landuz:
– inprimatuak
– idazmakinaz idatziak
– eskuizkribuak
a) alfabetoa balio fonetiko jakinekin lotuta buruz ikasiz (adibidez, idazkera latinoa, zirilikoa edo
grekoa, H1en erabiltzen den alfabetoa bestelakoa denean), zeinu diakritikoekin eta puntuazioarekin
batera;
b) eskuzko idazkera landuz (adibidez, idazkera zirilikoa edo “gotikoa”) eta eskuzko idazketak
herrialde bakoitzean dituen ezaugarriei erreparatuz;
c) hitzen forma (banaka hartuta edo ortografia-arauen arabera) eta puntuazio-arauak buruz ikasiz;
d) diktaketak eginez.