Europako Erreferentzia Markoa - HABE

9 5
Erreferentzia Markoaren erabiltzaileek gogoan izan beharko dute, eta, hala dagokionean,
zehaztu:
• Zertarako ikasi behar duen ikasleak irakurtzen, nola trebatuko den horretarako eta zer
eskatuko zaion horri buruz.
• Zein modalitatetan ikasi behar duen ikasleak irakurtzen, nola trebatuko den horretarako
eta zer eskatuko zaion horri buruz.
4.4.2.3 Ikus-entzunezko jarduera hartzaileak
Ikus-entzunezko jarduera hartzaileetan, erabiltzaileak entzutezko eta ikusizko sarrerako informazioa
(input) jasotzen du aldi berean.
Honako jarduera hauek sartzen dira sail honetan:
• ozen irakurritako testu bat ulertzea;
• telebista, bideo edo film azpitituluduna ikustea;
• teknologia berriak erabiltzea (multimedia, CD-Rom, etab.).
Honako jarduera hauetarako eskala argigarria ematen da:
• Telebista eta filmak ikustea
TELEBISTA ETA FILMAK IKUSTEA
C2
C1
B2
B1
C1 bezala.
Gai da argot edo lagunarteko hizkuntza eta esapide idiomatiko asko erabiltzen
duten filmak ulertzeko.
Gai da telebistako eta gaur egungo gaiei buruzko saioetako berri gehienak ulertzeko.
Gai da dokumentalak, zuzeneko elkarrizketak, eztabaidak, antzerki-lanak eta hizkuntza
estandarreko film gehienak ulertzeko.
Gai da interes pertsonaleko gaiez diharduten telebistako saio gehienak ulertzeko,
adibidez, elkarrizketak, hitzaldi laburrak eta albistegiak, mantso samar eta argi
ahoskatuak badira.
Gai da film asko ulertzeko, argumentua ikusizko elementuek eta ekintzak gidatua
denean, eta garbi ahoskatuak eta hizkuntz maila apalekoak direnean.
Gai da eguneroko bizitzako gaiei buruzko telebistako saioetako ideia nagusiez
jabetzeko, mantso samar eta garbi ahoskatuak badira.
A2
Gai da gertaera, istripu eta abarri buruzko telebistako albisteen ideia nagusiaz jabetzeko,
diskurtsoa ikusizko osagarriak lagundua bada.
Gai da telebistako albisteetan gaiez noiz aldatu duten sumatzeko eta eduki nagusiaz
jabetzeko.
A1
Ez dago deskribatzailerik.