Europako Erreferentzia Markoa - HABE

Beraz, nola landu beharko lirateke gaitasun orokorrak, ez linguistikoak, hizkuntz ikastaroetan
a) H2n jakintzat emateko adina badirela edo beste nonbait garatu direla uste izanez (adibidez,
ama-hizkuntzan irakasten diren kurrikuluko beste gaietan);
b) arazoak sortzen diren neurrian berariaz tratatuz;
c) ezagutzaren arlo eta elementu berriak argitzen dituzten testuak aukeratuz edo sortuz;
d) kulturaren alderdiak (zibilizazioa, eta abar) H1en eta, hala dagokionean, H2n lantzeko ikastaro
edo gida espezifikoen bidez;
e) ikasleen eta ama-hizkuntza duten hiztunen alderdi soziokulturalei, kognitiboei eta esperientziazkoei
buruzko kontzientzia sortzeko diseinatutako kulturarteko osagai baten bidez;
f) rol-jokoen eta simulazioen bitartez;
g) H2 erabiliz ikasgaiak irakasteko bitarteko gisa;
h) ama-hizkuntza duten hiztunekin eta benetako testuekin zuzeneko harremana izanez.
Gaitasun existentzialari dagokionez, ikaslearen nortasunaren ezaugarriak, motibazioak, jarrerak,
sinesteak (ikus 5.1.3 saila) izan daitezke:
a) alde batera utziak, ikaslearen interesekotzat ez hartuak;
b) ikaskuntza-prozesuaren planifikazioan eta jarraipenean aintzat hartuak;
c) ikaskuntza-programaren helburutzat hartuak.
1 7 3
Erreferentzia Markoaren erabiltzaileek gogoan izan beharko dute, eta, hala dagokionean,
zehaztu:
• Zein bitarteko erabiltzen dituzten, lehen aipatutakoetatik edo bestelakoetatik, gaitasun
orokorrak garatzeko.
• Nolako desberdintasunak sortzen diren, trebetasun praktikoak:
– gai gisa hartzen badira;
– gauzatu egiten badira;
– hizkuntz erabilerarekin batera ekintzen bidez egiaztatzen badira;
– irakaskuntzako bitarteko gisa xede-hizkuntza erabilita irakasten badira.
Ikasteko gaitasunari dagokionez, ikasleengandik espero da edo ikasleei eskatzen zaie ikasteko trebetasunak
eta trebetasun heuristikoak garatzea, baita beren autoikaskuntzaren ardura hartzea ere
(ikus 5.1.4 saila):
a) irakaskuntza/ikaskuntzaren ondorio gisa besterik gabe, aparteko planifikazio eta antolaketa
berezirik gabe;
b) ikaskuntzaren ardura irakasleengandik ikasleengana era progresiboan transferituz eta ikasleak
beren ikaskuntzari buruzko gogoeta egitera eta esperientzia hori beste ikasleekin elkarbanatzera
bultzatuz;
c) ikasleei parte hartzen duten ikaskuntza-irakaskuntzako prozesuei buruz kontzientzia hartzen
lagunduz;
d) ikasleak hainbat aukera metodologikotan partaide gisa sartuz;
e) ikasleei beren estilo kognitiboa ezagutaraziz eta beren ikasketa-estrategia propioak gararaziz.
Erreferentzia Markoaren erabiltzaileek gogoan izan beharko dute eta, hala dagokionean,
zehaztu:
• Zer urrats eman behar dituzten ikaslea hizkuntzaren erabiltzaile eta ikasle independente
izan dadin sustatzeko.