Europako Erreferentzia Markoa - HABE
Europako Erreferentzia Markoa - HABE
Europako Erreferentzia Markoa - HABE
Create successful ePaper yourself
Turn your PDF publications into a flip-book with our unique Google optimized e-Paper software.
2 2<br />
1.2 Europar Batasunaren hizkuntz politikaren xedeak eta helburuak<br />
<strong>Erreferentzia</strong> <strong>Markoa</strong>k <strong>Europako</strong> Kontseiluaren helburu nagusia betetzen du, Ministro Batzordearen R<br />
(82) 18 eta R (98) 6 gomendioetan zehazten denaren arabera: "bere kideen artean batasun estuagoa<br />
lortu" eta, xede hori lortzeko, "kulturaren esparruan ekimen bateratuak bideratu".<br />
<strong>Europako</strong> Kontseiluaren Kultur Arloko Elkarlanerako Kontseiluak, sortu zenetik, hizkuntza modernoei<br />
buruzko epe ertainerako zenbait proiektu lantzen dihardu, eta <strong>Europako</strong> Kontseiluko Ministro<br />
Batzordearen R (82) 18 gomendioaren hitzaurrean ezarritako honako hiru oinarri nagusi hauei esker<br />
eman dio koherentzia eta jarraitasuna bere zereginari:<br />
• <strong>Europako</strong> kultura eta hizkuntzen ondarea balio handiko baliabidea da, babestu eta garatu beharrekoa,<br />
eta ezinbestekoa da hezkuntzan ahaleginak egitea aberastasun hori, orain arte bezala<br />
komunikaziorako oztopo izan ordez, elkar aberasteko eta ulertzeko tresna izan dadin.<br />
• <strong>Europako</strong> hizkuntza modernoak hobeto ezagutuz, elkar ulertuz eta elkarlanean arituz, aurreiritziak<br />
eta diskriminazioa alde batera baztertuz, eta ez bestela, lortuko dira ama-hizkuntza desberdinak<br />
darabiltzaten europarren arteko komunikazioa eta harreman egokiak, hau da, Europa<br />
barruko mugikortasuna.<br />
• <strong>Europako</strong> estatu kideek batasun handiagoa lor dezakete hizkuntza modernoen ikaskuntzan eta<br />
irakaskuntzan politika nazionalak erabili edo prestatzeko, baldin eta politika horiek elkarlanaren<br />
eta koordinazioaren bidez finkatzeko hitzarmen egokiak lortzen badituzte.<br />
Printzipio horiek betetzearren, Ministro Batzordeak honako eskari hauek egin zizkien estatu<br />
kideei:<br />
• (F14) Hizkuntza modernoen ikaskuntzaren arloan irakaskuntza- eta ebaluazio-metodoak lantzen<br />
eta materialak sortzen eta erabiltzen diharduten gobernuko eta gobernuz kanpoko erakundeek,<br />
ikus-entzunezko materialen sortzaile eta erabiltzaile diren erakundeak barne hartuta,<br />
Nazio barneko nahiz nazioarteko elkarlana susta dezatela.<br />
• (F17) Neurri egokiak har ditzatela Europa guztian informazio-trukea bideratzeko sistema bat<br />
finkatzeko; sistema horrek bere baitan hartu beharko lituzke hizkuntzen ikaskuntzaren, irakaskuntzaren<br />
eta ikerketaren alderdi guztiak. Eta har ditzatela, orobat, informazioaren teknologiaren<br />
erabilera zabaltzeko bideak.<br />
Horren ondorioz, CDCC kontseiluak (Kultur arloko Elkarlanerako Kontseilua), eta bereziki kontseilu<br />
horren Hezkuntzarako Batzordeak eta bertako Hizkuntza Modernoen Sailak, ahalegin handia<br />
egin dute herrialde kideen eta gobernuz kanpoko erakundeen lana sustatzen, bultzatzen eta koordinatzen,<br />
oinarrizko printzipio horien arabera hizkuntzen ikaskuntza hobetzeko eta, zehazki, R (82) 18ren<br />
eranskinean agertzen diren neurri orokorrak gauzatzeko.<br />
Honako hauek dira neurri orokor horiek:<br />
1. Ziurtatu, ahal den neurrian, gizarteko sektore guztiek baliabide eraginkorrak dituztela beste<br />
estatu kide batzuetako (edo herrialde bereko beste erkidego batzuetako) hizkuntzez jabetzeko<br />
eta hizkuntza horiek erabiltzeko trebetasunak hartzeko. Izan ere, horrek komunikazio-behar<br />
orokorrak asetzen lagunduko die, honako alderdi hauetan bereziki:<br />
1.1 Beste herrialde bateko eguneroko bizitzan ongi moldatzen eta norberaren herrialdean<br />
bizi diren atzerritarrei horretan laguntzen.<br />
1.2 Beste hizkuntza batean hitz egiten duten gazteekin zein helduekin informazio- eta ideiatrukea<br />
bideratzen, eta nork bere sentimenak eta pentsaera transmititzen.<br />
1.3 Beste herri batzuen bizimodu eta pentsamoldea eta haien kultur ondarea hobeto ulertzen.