Europako Erreferentzia Markoa - HABE

1 2 4
Dagoeneko definitu ditugun elkarreraginezko eta bitartekotza-jarduerez gainera, beste asko daude
hizkuntzaren erabiltzaile edo ikasleak estimulu testual bati erantzun testual bat ematea eskatzen dutenak.
Estimulu testuala izan daiteke ahozko galdera bat, idatzizko jarraibide multzo bat (adibidez, azterketa
bateko testua), testu diskurtsibo bat (benetakoa nahiz erredaktatua) edo aukera horien guztien konbinazioa.
Eskatzen den erantzun testuala, bestalde, askotarikoa izan daiteke, hitz bakarrekoa edo hiru
ordu edo gehiagoko iraupena duena. Bai sarrerako testuak (estimulua) bai irteerakoak (erantzuna)
ahozkoak nahiz idatzizkoak izan daitezke, eta H1ekoak nahiz H2koak. Bi testuen arteko loturari dagokionez,
testuek esanahi bera izan dezakete edo ez. Horrenbestez, nahiz eta ez kontuan hartu ikasleak
H1eko estimulu bati erantzuteko H1en testu bat sortzea eskatzen duten jarduerek hizkuntza modernoen
irakaskuntzan edo ikaskuntzan bete dezaketen zeregina (osagai soziokulturalari dagokionez, sarri
gertatzen den moduan), hogeita lau jarduera inguru bereiz daitezke; adibidez, ondoren (6. koadroan)
agertzen direnak, sarrerako nahiz irteerako materiala xede-hizkuntzakoa dutenak.
Input edo sarrerako
testua
Output edo irteerako testua
Hedabidea Hizkuntza Hedabidea Hizkuntza Esanahia Jarduera- mota
mantendu (adibideak)
Ahozkoa H2 Ahozkoa H2 Bai Errepikapena
Ahozkoa H2 Idatzizkoa H2 Bai Diktaketa
Ahozkoa H2 Ahozkoa H2 Ez Ahozko galdera/
erantzuna
Ahozkoa H2 Idatzizkoa H2 Ez H2-n egindako
ahozko galderen
idatzizko erantzuna
Idatzizkoa H2 Ahozkoa H2 Bai Irakurketa ozena
Idatzizkoa H2 Idatzizkoa H2 Bai Kopia,
transkribapena
Idatzizkoa H2 Ahozkoa H2 Ez H2-n idatzitakoen
ahozko erantzuna
Idatzizkoa H2 Idatzizkoa H2 Ez H2-n idatzitakoei
erantzuteko idatzia
6. koadroa
Nahiz eta “testuz testuko” jarduerak oso gutxitan gertatzen diren hizkuntzaren eguneroko erabileran,
oso ugariak dira hizkuntzaren ikaskuntzan edo irakaskuntzan eta azterketetan. “Esanahia mantentzeko”
jarduera mekanikoak (errepikapena, diktaketa, ozen irakurtzea, transkribapen fonetikoa)
gainbehera etorri dira hizkuntzen irakaskuntzan; izan ere, gaur egun, hizkuntzen irakaskuntza komunikaziora
bideratuta dago, eta jarduera horiek artifizialtzat eta kaltegarritzat hartzen dira. Baliabide