Europako Erreferentzia Markoa - HABE

2 5 2
Horren antzeko kalibrazio-azterketak egingo dira beste 13 hizkuntzekin, datuen analisirako taldeak
garatutako planteamenduari jarraituz. Lehen azterketako emaitza bikainak zenbateraino errepikatzen
diren erakutsiko dute, eta zehaztapen batzuk, autoebaluazioari dagokionez, sistematikoki beste
batzuk baino hobeak ote diren.
Lehen kalibrazio-azterketa azterlan soil bat besterik ez bada ere, garrantzi handiko informazioa
ematen digu DIALANGen autoebaluaziorako zehaztapenen bertsio eleanitzaren kalitateari buruz. Izan
ere, aztertutako ikasleek hiru bertsioen artean (suedierazkoa, ingelesezkoa eta finlandierazkoa) edozein,
baita guztiak ere, aukera zezaketen autoebaluazioa egiteko, nahiz eta gehienek seguru asko suedierazkoa
hautatu. Itzulpen-prozedura arduratsuari esker, autoebaluaziorako zehaztapenak hizkuntza
guztietan neurri handi batean baliokideak direla esan dezakegu; uste hori bestelako kalibrazio-azterketen
arabera egiaztatu beharko da, jakina.
Autoebaluaziorako DIALANG eskalen –eta Erreferentzia Markoko eskalen– kalitatearen beste erakusgarri
esanguratsu bat ere bada, Kaftandjieva doktoreak lortu zuena. Kaftandjievak azterlan horretako
zailtasun-balioak Northek (1996/2000) zehaztapen berberetarako lortu zituen balioekin korrelazionatu
zituen beste testuinguru batean. Eta oso korrelazio altua zutela aurkitu zuen: 0,83, edo are 0,897,
modu bitxi samarrean jokatu zuen zehaztapenen bat kenduta.
C1 dokumentuak finlandierazko datuetan oinarritutako kalibrazio-azterketa egin ondoren geratu ziren
idatzizkoaren eta ahozkoaren ulermenerako eta idatzizko zehaztapenetarako autoebaluaziorako 107 adierazpenak
biltzen ditu. Taula bakoitzean zailtasunaren arabera ordenatuta daude zehaztapenak, errazenetik
zailenera ordenatuta. Erreferentzia Markotik hartu ez diren zehaztapenak letra etzanez daude adierazita.
Europako Marko Bateratuan oinarritutako beste DIALANG eskala batzuk
Autoebaluaziorako zehaztapenez gainera, DIALANGek Erreferentzia Marko Bateratuan oinarritutako
deskribatzaile-eskalen bi sail erabiltzen ditu. Idatzizkoaren ulermenari, idatzizko ekoizpenari eta ahoz -
koaren ulermenari dagozkie eskala horiek:
• Bertsio laburra proben puntuazioarekin batera dator.
• Bertsio zabala atzeraelikadura lagungarriaren osagarria da.
Bertsio laburrak
DIALANGek eskala orokor laburtuak erabiltzen ditu idatzizkoaren ulermenerako, idatzizko ekoizpenerako
eta ahozkoaren ulermenerako, puntuazioak DIALANG sisteman emateko. Ikasleek beren hizkuntz jarduerari
buruzko atzeraelikadura jasotzen dutenean, Erreferentzia Marko Bateratuko eskalen arabera dagokien
emaitzaren berri ematen zaie, A1etik C2ra bitartean, eta eskala horiek erabiliz deskribatzen da puntuazioaren
esanahia. Eskala horiek DIALANGen testuinguruan balioztatu ziren, 12 aztertzaile adituri zehaztapen
bakoitza sei mailetako bati esleitzeko eskatuta. Emaitzen eskala orokor horiek gero finlandierazko DIA-
LANG probetako item bakoitza Erreferentzia Marko Bateratuko maila bati esleitzeko erabili zituzten adituek.
Eskala Erreferentzia Marko Bateratuko 2. koadroan oinarrituta dago; deskribapenak, autoebaluaziorako
zehaztapenak bezalaxe, zertxobait aldatu ziren. Eskala horiek C2 dokumentuan agertzen dira.
Atzeraelikadura lagungarria
Ebaluazio-sistemaren atzeraelikadura lagungarriaren atalak idatzizkoaren ulermenari, idatzizko ekoizpenari
eta ahozkoaren ulermenari dagozkion gaitasunaren deskribapen zabalagoa egiten duten eskalak
erabiltzen ditu. Atal horretan, ikasleek gaitasun-maila bakoitzean hizkuntzarekin zer egin dezaketen
zehatz azaltzen zaie erabiltzaileei. Ikasleek, halaber, maila jakin baten deskribapena eta ondoko mailen
deskribapenak aldera ditzakete. Eskala xeheago horiek Erreferentzia Marko Bateratuaren 2. koa-