Europako Erreferentzia Markoa - HABE

1 7 4
6.4.7 Gaitasun linguistikoen garapena
Ikasleen gaitasun linguistikoen garapena hizkuntzaren ikaskuntzako ezinbesteko eta funtsezko alderdia
da. Zein da ikaskuntza errazteko erarik onena hiztegiari, gramatikari, ahoskerari eta ortografiari
dagokienez
6.4.7.1 Hiztegia
Hiztegia garatzeko honako forma hauen artean, ikasleek zein erabiltzea espero da edo zein erabiltzea
eskatuko zaie
a) ahozko eta idatzizko benetako testuetan erabiltzen diren hitzen eta esamolde finkoen azalpen
soila egitea;
b) ikasleek hiztegia kontsultatzea, edo ikasleei hiztegia galdetzea, etab., ataza eta jarduera bakoitzaren
beharren arabera;
c) hitzak testuinguruan sartzea, adibidez, eskolako gidetako testuetan, eta ondorengo ariketa, jarduera
eta ataza didaktikoetan, etab. berrerabiltzea;
d) hitzak ikus-entzunezkoen laguntzaz aurkeztea (irudiak, keinuak eta mimika, ekintza erakusgarriak,
benetako objektuen irudiak eta abar);
e) hitz-zerrendak buruz ikastea, beren itzulpenarekin batera;
f) alor semantikoak eta mapa kontzeptualak ikertzea;
g) ikasleei hiztegi elebakarrak eta elebidunak, sinonimoen hiztegiak eta erreferentzia liburu zenbait
erabiltzen irakastea;
h) egitura lexikalak (adibidez, hitz eratorriak, hitz elkartuak, atsotitzak, aditz preposizionalak,
etab.) azaltzea eta egitura horiek aplikatzeko ariketak egitea;
i) H1en eta H2n ezaugarri semantikoak nola egokitzen diren era gutxi asko sistematikoan ikastea
(semantika kontrastiboa).
Erreferentzia Markoaren erabiltzaileek gogoan izan beharko dute eta, hala dagokionean,
zehaztu:
• Nola aurkezten zaizkien ikasleei hiztegi elementuak (forma eta esanahia) eta nola
ikasten dituzten elementu horiek.
Hiztegiaren neurria, hedapena eta kontrola hizkuntza bereganatzeko garrantzi handiko parametroak
dira eta, horren ondorioz, garrantzizkoak dira ikaslearen gaitasun linguistikoaren ebaluazioa eta
baita hizkuntzen irakaskuntzaren eta ikaskuntzaren planifikazioa ere.
Erreferentzia Markoaren erabiltzaileek gogoan izan beharko dute, eta, hala dagokionean,
zehaztu:
• Zenbateko hiztegi-aberastasuna (hau da, hitzen eta esaldi finkoen kopurua) kontrolatu
beharko duen ikasleak, nola trebatuko den horretarako, edo zer eskatuko zaion
horri dagokionez.
• Zein hiztegi-hedapen (hau da, ikasitako gaiak, alorrak…) kontrolatu beharko duen
ikasleak, nola trebatuko den edo zer eskatuko zaion horri dagokionez.
• Hiztegiaren zer kontrol egin beharko duen ikasleak, nola trebatuko den horretarako,
edo zer eskatuko zaion horri dagokionez.
• Zer bereizketa egiten den, batere bereizketarik egiten bada, hizkuntza ezagutzeko eta
ulertzeko ikastearen eta hizkuntza gogoratzeko eta erabiltzeko ikastearen artean.
• Nola erabiltzen diren dedukzio-teknikak eta nola sustatzen den horien garapena.