Europako Erreferentzia Markoa - HABE

• Ikasleek zenbateraino ekoiztu behar dituzte testuak, eta ez soilik prozesatu Testu ekoiztuak
izan daitezke:
a) ahozkoak:
– ozen irakurritako testuak;
– ariketetako galderen ahozko erantzunak:
– buruz ikasitako testuen erreprodukzioak (antzerki-lanak, olerkiak, etab.);
– binakako eta taldekako ariketak;
– eztabaida formaletan eta ez-formaletan egindako ekarpenak;
– elkarrizketa askea (ikasgelan edo ikasle-trukeetan);
– aurkezpenak.
b) idatzizkoak:
– diktatutako pasarteak;
– idatzizko ariketak;
– idazlanak;
– itzulpenak;
– idatzizko txostenak;
– proiektuak;
– atzerriko lagunentzako gutunak;
– gutunak, posta edo beste ikasle batzuekiko harremanak, posta elektronikoz edo faxez
eginak.
Harrerazko, ekoizpenezko eta elkarreraginezko modalitateetan, zenbateraino lagun dakieke ikasleei
edo espero da ikasleek testu-motak bereiztea eta ahozko eta idatzizko ulermenerako eta adierazpenerako
estilo egokiak garatzea, gizabanako eta taldeko kide gisa jardunez (adibidez, ideiak eta interpretazioak
elkarbanatuz ulermen- eta formulazio-prozesuetan)
1 7 1
Erreferentzia Markoaren erabiltzaileek gogoan izan beharko dute, eta, hala dagokionean,
zehaztu:
• Beren ikaskuntza- eta irakaskuntza-programetan testuek (ahozkoek nahiz idatzizkoek)
duten tokia eta horien ustiapen didaktikorako gauzatu beharreko jarduerak.
• Zein printzipioren arabera hautatzen, egokitzen edo osatzen, ordenatzen eta aurkezten
diren testuak.
• Testuak egokituta dauden.
• Ikasleek testu-motak bereiztea a) espero den edo b) horretan lagunduko zaien, eta
testu-motaren araberako irakurrizko eta entzutezko ulermen-estilo desberdinak garatzea
dagokien, kontuan hartuta zein helbururekin entzuten edo irakurtzen den: ideia
nagusia, elementu jakinak, etab. bilatzeko, etab.
6.4.4 Atazek eta jarduerek hizkuntzen ikaskuntzan eta irakaskuntzan duten zeregina
Nola espero da ikasleek edo eskatzen zaie ikasleei atazetatik eta jardueretatik ikastea (ikus 4.3. eta 4.4.
atalak)
a) Bat-bateko jardueretan parte hartze-hutsarekin
b) Jarduera-moten, helburuen, sarrerako materialaren (input), emaitzen, parte-hartzaileen zereginaren
eta abarren arabera planifikatutako atazetan eta jardueretan parte-hartze hutsarekin
c) Atazan ez ezik aurretiko planifikazioan eta geroko analisian eta ebaluazioan parte hartuta
d) c)n bezala, baina helburuei, atazen izaerari eta egiturari, parte-hartzaileen zereginei buruzko
kontzientzia esplizitua hartuta