Europako Erreferentzia Markoa - HABE

tzirik. Teorialari batzuen arabera, gizakiak informazioa prozesatzeko dituen ahalmenak froga sendoak
dira, hizkuntza bereganatzeko eta ulermenerako zein adierazpenerako erabiltzeko gai egiten baitu pertsona
bat, baldin eta hizkuntza horren eraginpean behar adina eta era ulergarrian egon bada. Ikuspegi
horren arabera, ezinezkoa da “bereganatze” prozesua behaketatik eta intuiziotik abiatuta ulertzea eta
analizatzea, eta ulermen hori ezin erraz daiteke manipulazio kontzientearen bidez, ez irakaskuntzaren
bidez ez ikaskuntza-tekniken bidez. Teorialari horien ustez, ikaskuntza irakaskuntza akademikorik
gabe gertatzeko moduko ingurune linguistiko ahalik eta aberatsena eskaintzea da irakasle batek egin
dezakeen gauzarik garrantzizkoena.
Beste teorialari batzuen arabera, sarrerako material (input) ulergarriaren eraginaz gainera, hizkuntzaren
garapenerako beharrezko baldintza eta baldintza nahikoa da komunikazio-elkarreraginean era
aktiboan parte hartzea. Era berean, hizkuntzaren irakaskuntza edo ikaskuntza esplizituak funsgabeak
direla diote. Beste muturrean daude uste dutenak gramatikako beharrezko arauak eta hiztegi nahikoa
ikasi dituzten ikasleek beren aurretiko esperientziaren bidez eta zentzuari jarraituz ulertu eta erabili
ahal izango dutela hizkuntza, inolako entsegurik egin beharrik gabe. Bi mutur horien artean daude,
ordea, ikasle eta irakasle gehienak eta beren laguntza-zerbitzuak; gehienek jardun eklektikoagoak egiten
dituzte eta aitortzen dute ikasleek ez dutela ezinbestean irakasleek irakasten dietena ikasten, eta
sarrerako material (input) linguistiko asko, testuinguru egokian kokatua eta ulergarria, behar dutela
ikasteko, eta beharrezkoak dituztela, orobat, hizkuntza elkarreraginez erabiltzeko aukerak. Era berean,
batez ere ikasgelako baldintza artifizialetan, ikaskuntza kontzientea eta behar adinako praktika ikaskuntzaren
lagungarri dela aitortzen dute, behe-mailetako hitz egiteko eta idazteko trebetasun fisikoei
jartzen zaien arreta kontzientea murrizteko edo ezabatzeko, eta orobat zuzentasun morfologikoari eta
sintaktikoari jartzen zaion arreta, era horretan ikaslea goi-mailako komunikazio-estrategiak erabiltzeko
aske geldituko baita. Beste teorialari batzuek (dena dela, lehen baino askoz ere gutxiago) uste dute
ariketak behin eta berriz errepikatuz lor daitekeela helburu hori.
Hainbat osagai daude, noski, adin eta jatorri desberdinetako ikasleek etekin handiagoz erantzungo
dietenak. Alde handiak daude, era berean, ikastaro batetik bestera, irakasleek, liburuen egileek eta abarrek
elementu batzuei eta besteei ematen dieten garrantziaren arabera: harrerari edo ekoizpenari
garrantzi gehiago ematen dioten, zuzentasuna jariotasunari gailentzen zaion, etab.
1 6 5
Erreferentzia Markoaren erabiltzaileek gogoan izan beharko dute, eta, hala dagokionean,
zehaztu:
• Ikaskuntzari buruzko zer printzipiotan oinarrituko duten beren lana eta horrek izango
dituen ondorio metodologikoak.
6.3 Zer egin dezake Erreferentzia Markoaren erabiltzaileak ikaskuntza errazteko
Hizkuntzen irakaskuntzako profesionalek “ikaskuntzaren aldeko elkarte” moduko bat osatzen dute.
Elkarte horretan hainbat espezialista biltzen dira, ez soilik ikaskuntzaren gertaeran zuzeneko inplikazioa
duten irakasle eta ikasleak, eta talde horietako bakoitzak ikaskuntzan duen zeregina aztertuko
dugu, hain zuzen ere, atal honetan.
6.3.1 Azterketekin eta tituluekin zerikusia duten erabiltzaileak
Azterketekin eta tituluekin zerikusia dutenek kontuan hartu beharko dute titulu bakoitzerako eta