Europako Erreferentzia Markoa - HABE

6 8
4.1.2 Egoerak
Arlo bakoitzean, honako ezaugarri hauen arabera deskriba daitezke kanpo-egoerak:
• gertatzen diren lekua eta unea;
• erakundeak edo organizazioak, egoera arruntetan gerta daitekeena oro har kontrolatzen dutenen
egitura eta prozedurak;
• inplikatutako eragileak, batez ere erabiltzaileari edo ikasleari buruz duten gizarte-zereginaren
garrantziaren arabera;
• inguruneko objektuak (bizidunak eta bizigabeak);
• gertaerak;
• inplikatuta dauden eragileen esku-hartzeak;
• egoera horri dagozkion testuak.
5. koadroan egoerari buruzko kategoria horien adibide batzuk agertzen dira, arloka sailkatuta; adibide
horietan agertzen diren egoerak Europako herrialde ia guztietan gertatu ohi dira. Koadroa lagungarria
da huts-hutsik, eta iradokizun moduan erabil daiteke; baina ez du zehatza izateko xederik. Hain
zuzen ere, ezin ditu kontuan hartu elkarreraginezko egoeren alderdi dinamikoak, zeinetan parte-hartzaileek
egoeraren ezaugarriak hura garatu ahala zehazten baitituzte eta aldaketaz deskibapenaz baino
gehiago kezkatzen baitira. 4.1.4. eta 4.1.5. ataletan sakonago aztertzen dira komunikazio-ekintzetan
solaskideen artean gertatzen diren harremanak. Komunikazio-elkarreraginaren barne egiturari dagokionez,
ikus 5.2.3.2. atala. Alderdi soziokulturalei dagokienez, ikus 5.1.1.2. atala; eta erabiltzailearen
estrategiei dagokienez, ikus 4.4. atala.
Erreferentzia Markoaren erabiltzaileek gogoan izan beharko dute, eta, hala dagokionean,
zehaztu:
• Ikasleak zein egoerari aurre egin beharko dion, nola emango zaion horretarako gaitasuna
eta zer eskatuko zaion horri buruz.
• Ikasleak zein toki, erakunde edo organizazio, pertsona, objektu, gertaera eta jarduerarekin
harremana izango duen.
5. koadroa. Erabileraren kanpo-testuingurua: kategoria deskribatzaileak
Arlo pertsonala
Lekuak
Erakundeak
Pertsonak
Objektuak
Norberarena, familiarena, adiskideen etxea. Etxea, gela, lorategia;
hotel bateko gela. Mendia, hondartza eta abar.
Familia- eta gizarte-harremanak.
Aitona-amonak, gurasoak, seme-alabak, anaia-arrebak, osaba-izebak,
lehengusu-lehengusinak, senar-emazteak, ezkon-senideak, adiskide
minak, adiskideak, ezagunak...
Dekorazioa, altzariak, arropa, etxeko hornidura, elektrikako tresnak, jostailuak,
tresnak, norberaren garbitasunerako gauzak, artelanak, liburuak,
etxeko abereak eta animalia basatiak, zuhaitzak, landareak, igerilekua,
belarra, etxeko ondasunak, poltsak, aisialdia, kirol-horniketa…