Europako Erreferentzia Markoa - HABE

desitxuratutik. Ikasleak akatsak egiten dituenean, jarduera hori bat dator benetan duen berezko gaitasunarekin,
H2ko arauen ezaugarri desberdinak garatu ditu-eta.
Hutsegiteak jardueran gertatzen dira, erabiltzaile edo ikasle batek (berdin gerta dakioke jatorrizko
hiztun bati) gaitasunak egoki ez burutzetik.
Jarrera desberdinak har daitezke ikasleen akatsei dagokienez, adibidez:
a) akatsak eta hutsegiteak ikaskuntzaren porrotaren froga dira;
b) akatsak eta hutsegiteak irakaskuntza ez-eraginkorraren froga dira;
c) akatsek eta hutsegiteek ikasleak komunikatzeko duen borondatea frogatzen dute, nahiz eta
deskuidatzeko arriskua izan;
d) akatsak ikasleak garatzen duen “tarteko hizkuntzaren” emaitza saihestezin eta iragankorrak
dira;
e) hutsegiteak saihestezinak dira hizkuntzaren edozein erabilera-modutan, ama-hizkuntzan
diharduten hiztunengan barne.
Neurri desberdinak har ditzakegu ikasleen akatsei eta hutsegiteei dagokienez. Honako aukera
hauek daude:
a) irakasleak berehala zuzendu beharko lituzke akats eta hutsegite guztiak;
b) sustatu egin beharko litzateke ikaskideren batek sistematikoki berehalako zuzenketa egitea,
eta, horrela, akats guztiak errotik atera;
c) akats guztiak seinalatu eta zuzendu behar dira, horrek komunikazioa eragozten ez duenean
(adibidez, jariotasunaren garapena eta zuzenketarena bereiziz);
d) akatsak zuzendu ez ezik, aztertu egin beharko lirateke eta une egokian argitu;
e) hanka-sartzeak besterik ez diren hutsegiteak alde batera utzi beharko lirateke, baina akats
sistematikoak errotik atera behar dira;
f) komunikazioa kaltetzen dutenean bakarrik zuzendu behar dira akatsak;
g) akatsak “tarteko hizkuntza iragankorraren“ ondoriotzat hartu beharko lirateke, eta ez lirateke
kontuan hartu beharko.
Nola erabil daitezke ikaslearen akatsen behaketa eta azterketa
a) irakaskuntzaren eta ikaskuntzaren planifikazioa maila pertsonalean edo taldean egitean
b) ikastaroaren planifikazioan edo materialen garapenean
c) irakaskuntzaren eta ikaskuntzaren balorazioan eta ebaluazioan Adibidez:
• batez ere akatsen eta hutsegiteen arabera ebaluatzen dira ikasleak, ezarritako atazak
burutzean
• horrela ez bada, etekin linguistikorako zer beste iritzi erabiltzen dira
• neurtzen al dira akatsak eta hutsegiteak, eta zer irizpideren arabera
• nolako garrantzia ematen zaie akatsei eta hutsegiteei honako alor hauetan:
– ahoskera
– ortografia
– hiztegia
– morfologia
– sintaxia
– erabilera
– eduki soziokulturala
1 7 9