Europako Erreferentzia Markoa - HABE

Kapitulu honen hasieran ikusi denez, ebaluazio-prozesuan subjektibotasuna murrizteko lehen urratsa
inplikatuta dagoen konstruktuaren ulermen bateratua bideratzea da, Erreferentzia Marko bateratu
bat finkatzea. Erreferentzia Markoak edukia zehazteko oinarri hori eman nahi du, eta zuzeneko probetarako
argi definitutako irizpideak lantzeko tresna izan nahi du.
2 11
9.3.9 Kontrol-zerrendaren araberako neurketa/Eskalaren araberako neurketa
Kontrol-zerrendaren araberako neurketan, berriz, maila edo modulu jakin baterako egoki irizten
zaien alderdien zerrenda bati buruz pertsonak zer maila duen adierazten da.
Eskalaren araberako neurketan hainbat maila dituen eskala batean pertsona bat zein mailatan
dagoen zehazten da.
“Eskalan oinarritutako sailkapenean” zerrenda-sail baten arabera pertsona non kokatuta dagoen
erabakitzen da. Enfasia, beraz, bertikala da: eskalako zein mailatan dago Zerrenda edo maila bakoitzaren
esanahia deskribatzaile-eskalen bidez argitu beharko da. Kategoria bakoitzerako eskala asko
egon daitezke, eta orri berean eman daitezke, bata bestearen atzetik, edo bakoitza orrialde batean.
Zerrenda edo maila guztien definizioa ager daiteke, edo txandakako zerrenda eta mailena, edo goiko,
erdiko eta beheko mailena.
Alternatiba moduan, ikaskuntzan egin den bidea erakusten duen kontrol-zerrenda bat erabil daiteke;
enfasia, orduan, horizontala izaten da: moduluko zenbat eduki gauzatu dira arrakastaz Kontrolzerrenda
elementuen zerrenda moduan eman daiteke, galdeketa moduan; bestalde, gurpil moduan ere
eman liteke, edo beste edozein modutan. Erantzuna bai edo ez izan daiteke, eta urrats jakin batzuen
bidez gehiago zehatz daiteke (adibidez, 0tik 4ra), bereziki epigrafeka bereizita eta epigrafe horiek nola
interpretatu beharko liratekeen azaltzen duten definizioak emanda.
Deskribatzaile argigarriak eskatzen diren mailetara egokitutako irizpide-zehaztapen independenteak
direnez, maila jakin bateko kontrol-zerrenda sortzeko erabil daitezke –eta hala gertatzen da
Hizkuntzen portfolioaren aldaera batzuetan–, eta baita maila egoki guztiak beren baitan hartzen dituzten
ebaluazio-eskala edo -zerrenda gisa, 3. kapituluan agertzen den moduan, autoebaluaziorako 2.
koadroan eta aztertzaileak ebaluazioa egiteko 3. koadroan.
9.3.10 Iritzietan oinarritutako ebaluazioa/Irizpideetan oinarritutako ebaluazioa
Iritzietan oinarritutako ebaluazioa: ikasleak gelan egiten duen lanaren esperientziaren arabera ematen
den epai erabat subjektiboa, ebaluazio espezifikoa egiteko inongo irizpide espezifikorik kontuan
hartu gabe egiten dena.
Irizpideetan oinarritutako ebaluazioa: aztertzailearen subjektibotasuna murrizteko, iritzia irizpide
espezifikoei buruzko ebaluazio kontzientearekin osatuz egiten dena.
“Iritzia” terminoak, hemen, irakaslea edo ikaslea gelako lanaren, etxean egindako lanen… esperientzian
soilik oinarritzen dela adierazten du. Neurketa subjektibo askok, batez ere ebaluazio jarraituan,
gogoetaren edo memoriaren oinarrian sortutako iritzi bat ematen dute, pertsona jakin batek denbora
jakin batean egiten duenaren behaketa kontzientetik abiatuta agian. Horrela dihardute eskola-sistema
askok.