Europako Erreferentzia Markoa - HABE

• Rolak; parte-hartzaileek atazan bertan eta atazen planifikazioan eta antolaketan duten rola.
• Kontrola eta ebaluazioa; hots, atazaren arrakasta erlatiboaren kontrola eta ebaluazioa, asmakuntzari
dagokionez eta gauzatzeari dagokionez, zailtasunaren, mugen eta egokitasunaren irizpideen
arabera.
7 7
7. kapituluan hizkuntzen ikaskuntzan eta irakaskuntzan atazek duten funtzioaren azalpen xeheagoa
aurkituko du erabiltzaileak.
Erreferentzia Markoaren erabiltzaileek gogoan izan beharko dute, eta, hala dagokionean,
zehaztu:
• ikasleek hezkuntza-arloan egiten ikasi beharko dituzten atazak, nola trebatuko diren
horretarako eta zer eskatuko zaien horri dagokionez:
a. elkarreragin gidatu edo helburuetara bideratutakoen, proiektuen, simulazioen, roljokoen
eta abarren parte-hartzaile gisa;
b. bigarren hizkuntza erabiltzen denean, hizkuntza hori bera edo kurrikuluko beste
ikasgaiak irakasteko tresna gisa, etab.
4.3.2 Hizkuntzaren erabilera ludikoak
Hizkuntza helburu ludikoarekin erabiltzeak garrantzi handia du hizkuntzaren ikaskuntzan eta garapenean,
baina ez hezkuntza-arloan soilik. Ekintza ludikoak askotarikoak izan daitezke, adibidez:
• Gizarte-helburuekiko hizkuntz jolasak:
– ahozkoak (ikusi-makusi jolasa, etab.);
– idatzizkoak (urkatuaren jolasa, etab.);
– ikus-entzunezkoak (irudiekiko bingoa, filmen jolasa, etab.);
– taula- eta karta-jokoak (hitz gurutzatuak, Pictionary, antzara-jolasa, etab.);
– hitz-igarkizunak, mimika, etab.
• Bana-banako ekintzak:
– denborapasak (gurutzegramak, letra-zopak, igarkizunak, etab.);
– telebista eta irratiko jokoak (“Zifrak eta letrak”, “Agur ben hur”)
• Hitz-jolasak:
– publizitate-iragarkiak;
– egunkariko titularrak; adibidez (euroa indarrean jarri zen garaiko erreakzioak):
“Txanponaren bi aldeak”.
– graffitiak.
4.3.3 Hizkuntzaren erabilera estetikoak
Hizkuntzak garrantzi handiko erabilera estetiko eta artistikoak ditu, bai hezkuntza-arloaren baitan bai
bere horretan. Ekintza estetikoak askotarikoak izan daitezke, adibidez, ekoizpen, harrera, elkarreragin
edo bitartekotzakoak (ikus 4.4.4. atala, beherago), eta ahozkoak nahiz idatzizkoak. Honako ekintza
hauek hartzen dituzte beren baitan, besteak beste: