Europako Erreferentzia Markoa - HABE

kionez ere. Sei maila zabalez osatutako marko orokor bat egokia da Europako hizkuntz ikasleek helburu
horiek lortzeko bete beharreko ikaskuntza-espazioa betetzeko.
4 3
• Hasierako maila (Breakthrough), Wilkinsek 1978an egindako proposamenean “Formulario-gaitasuna”
eta Trimek 1 , argitalpen horretan bertan, “hasierakoa” izendatutako mailarekin bat datorrena.
• Tarteko maila (Waystage), Europar Batzordearen edukien zehaztapenari dagokiona.
• Atalase maila (Threshold), Europar Batzordearen edukien zehaztapenari dagokiona.
• Maila aurreratua (Vantage) edo erabiltzaile independentearena, Europar Batzordearen edukien
zehaztapenari dagokiona, Wilkinsek “Gaitasun operatibo mugatua” izendatua, eta Trimek
“Egoera normaletarako erantzun egokia” deritzona.
• Gaitasun operatibo eraginkorra (Effective Operational Proficiency), Trimek “Gaitasun eraginkorra”
deitua, eta Wilkinsek “Gaitasun operatibo egokia”, eta laneko eta ikasketako ataza konplexuagoetarako
gaitasun-maila aurreratuari dagokiona.
• Menderatze-maila (Maestry) (Trim “Gaitasun zabala”; Wilkins “Gaitasun operatibo zabala”),
ALTE (Association of Language Testers in Europe) elkarteak onartutako eskemaren azterketen
helburu gorenari dagokiona. Zabaldu ere egin liteke, maila horretatik gora dagoen kulturarteko
gaitasun aurreratuena eta hizkuntzaren profesional askok lortzen dutena bere baitan hartzeko
moduan.
Sei maila horiei erreparatzen diegunean, ordea, ohartzen gara oinarrizko, tarteko eta aurreratu
banaketa klasikoaren beheko eta goiko interpretazioak baino ez direla. Gainera, Europar Kontseiluak
mailen zehaztapenei eman dizkien izenak itzultzen oso zailak dira (adibidez, Waystage, Vantage).
Horrenbestez, proposatzen den eskema “hipertestuetan” adarkatzen den printzipio batean oinarritzen
da, A, B eta C hasierako maila zabaletatik abiatuta:
A B C
Oinarrizko erabiltzailea Erabiltzaile independentea Erabiltzaile gaitua
A1 A2 B1 B2 C1 C2
Hasierakoa Tartekoa Atalasea Aurreratua Gaitasun opera- menderatzetibo
eraginkorra -maila
1. irudia
3.3 Erreferentzia maila bateratuen aurkezpena
Erreferentzia maila bateratu batzuk zehazteak ez dio mugarik ezartzen, inola ere, kultura pedagogiko
desberdinetako hainbat sektorek beren mailaketa- eta modulu-sistema deskribatzeko edo antolatzeko
duten moduari. Erreferentzia puntu bateratuen multzoaren formulazio xehea ere –deskribatzaileen
idazketa– denboran zehar osatzea da asmoa, estatu kideetako esperientziaren eta gai honetan adituak
diren erakundeen esperientzia erantsiz deskribapen horri.
Era berean, erreferentzia puntu bateratuek helburuaren araberako forma hartzea da asmoa. Helburu
horietako batzuetarako egokia litzateke paragrafo independenteetan eta orokorrean proposatutako erre-
1 Trim J.L.L. (1978). Some Posible Lines of Development of an Overall Structure for a European Unit Credit Scheme for
Foreign Language Learning by Adults. Europar Kontseilua.